Хакасский героический эпос: Ай-Хуучин. - 1997. (Т. 16.)

2890 Тартыл парыбысхандағ. Алып Хан Хыс нигезi, Чочып, сарбаңнас сыххан, Тöдiр ойлап парып: “Кiс, сiлее“, — тiп турадыр, Хан Хыс, абахай чахсы, Хаалада хатхыр салыбысхан, Ахсах сӱмекчiн чачдзы Аңналып, турған, Ай Хууңын, хыс чахсызы, 2900 Оңарылып, сых парған. Хан Хысты кöрзе, Хаалада хатхыр турчададыр, Харах чазын хыс чахсызы Холнаң чозыныбысхан. Сах аннаң алты айланып, Хыс кӱлӱк тасхар сых чöрiбiскен, Ала хулаттың тиргiзiнең Тобырчығын алған, Оң пiле кк е тӱзiрiбiзiп, 2910 Хатап ибге кiрген: “Ирсек хурттығ Хан Хыс, Хара сағынып килгезер!“ Ибiрiлiп килiп, нигезiн Азыр тулуңнаң хапхан — Алып Хан Хыс удурлас полбаан, Тоғыс тазын тирiзiнең Тартып ӱрген тобырчыхнаң Хыс Хан нигезiн Хағып соғыбы с хан. 2920 Хаххан чирдең Ай Хууңын Хан сығара саабысхан, Соххан чирдең идiн ӱзе соғыбысхан, Аарлығ торғы кибiн Ӱзе саап турадыр. Чобағ чобалын Хан Хыс Чобалып, алдан турадыр, Инег чобалын Хан Хыс Инел чобалыбысхан, Хыс Ханның ханы 2930 Мал ханы чiлеп аххан. Хорыхханынаң ахсах хыс Хоорған* алтына кiрiбiскен, “Иркем-киннем Ай Хууңын Минi соғыбыспазын“, — тiп.