Хакасский героический эпос: Ай-Хуучин. - 1997. (Т. 16.)

Ардап-чудап парыбысхан. Чағынхыны ырах салып, Чахсы чоохтарын чоохтасхан, Ыраххыны чағын тартып, Ынархазып, чоохтасчададырлар. Изебi чох Ай Хуучын Уйғу узубин ӱр пол парған, 2630 Суғ iзiп одырып, С а быхсып одырчададыр. Улуғ столдаң тур килiп, Улуғ тöзекке чадыбысхан, Хыс чахсызы Ай Хууңын Харых т а ртып узубысхан. Ирнiң чахсызы Хан Мирген Ипчiзiнең сых парыбысхан, Аннаң андар кин чырғап, Ай Хууңын кин мöтеп турадырлар. XVI 2640 Иргi чыл иртiп парыбысхан, Наа чылға чит парғаннар, Пiр кӱн иртен Хан Мирген Стол кистiне одырыбысхан, Хан Хыс абахайымнаң Хомай пӱдiстiг Хыс Хан — Ӱс чахсы суулазып одырлар. Хан Хыс, абахай чахсы, Айланып чоохтабысхан: “Хан Миргеннiң чаңазы, 2650 Пiр чоохтир чооғым пар, Чоохтирға чарир ба, Чарабас па, тыңнирзар ба?“ Чабал сырайлығ Хыс Хан: “Чоохта, чоохта, иркем, — теен, — Тыңнирға чарир чоох полза, Тыңнап турарбыс, иркем, Тыңнирға чарабас чоох полза, Тохтат саларбыс, иркем“. — “Чайаан салғаннаң пу чирде 2660 Чазынған нимезi чоғыл, Худай хосханнаң ил-чонда Худулған кiзiзi чоғыл. Хан Миргеннiң чаңаз ы , Хан Мирген туңмаңарның Худай хосхан кiзiзi Хан Хыс — мин нимеспiн,