Хакасский героический эпос: Ай-Хуучин. - 1997. (Т. 16.)

1370 Алып кiзi Тимiр Теект i Алнына кире тартынып алған, Алты-читi айланып, Азах хағып, кöдiрген, Ибiрiл i п, Хан Мирген Идек саап, кöд i рген, Айас алтын алты пулғап, Пулут алтын читi пул ғ абысхан, Хара чирге читк е н, Ас пилiн азыра тепкен, 1380 Ас оорхазын сыы пазып, Алты айланып, тура тӱскен. “Ирсек хурттығ Хыс Ханның Ӱс ирiн öд i р салдым“ , — тiп турадыр. Хан Хыс, аны ист i п, Хайда-хайдар чоо тарынған: «“Алыптард ы ахтарыбыстым*“ , — тiп, Албыхпа, адай табан! Сынап алыпты ң холына урынғалахсың! “Кӱлӱктердi кöлет салдым“ , — т i п, 1390 Кöдiрiлбе, ит табан! Сынап кӱлӱктiң холынаң тузаххалахсың!» Изебi чох Хыс Ханна ң Хан Мирген урунызыбысхан. Тағны таға ахтарт турғандағ, Тартызып п олбин турадырлар, Чабал чоохтарын чоохтазып, Чаға пастаң хаабысханнар. Алты-читi айланызып, Ас пилге сарылызыбысханнар, 1400 Андар-мындар тастазыбысханнар Арғалығ Ханым сында. Орнында тур полбин, Олаңнас турчатхан тағ, Тиңнер-мындар* тастазыбыссалар, Талай суу салғып турадыр, Чирнең тигiр пiрiк парыбысхан, Чирдiң ӱстӱ хара нööлген*. Чоғар турған тигiр паары О ңнар-тискер тӱс турғандағ. 1410 Хараа ойлаан ай харағы Хара нööлiп, чiт парған, Хадарған чахсы малы Одын оттап полбин, орлас турадыр, Хыйылып сыххан кӱн харағы