Хакасский героический эпос: Ай-Хуучин. - 1997. (Т. 16.)

Ханым талай суу Хабыра* ах парыбысхан, Ибiрлеп килген чирде Кöмес ле п i рiкпаан, Улуғ олтырыхха мал тыхтал парған, Тохтада тартып, Кöр турадыр изеб i чох Хан Мирген: 750 Аран чула тöрiцең Ала хула асхыр Чилiн, хузурух чир тарт парыбысхан, Ала хула пии Хадарған мал аралап тур, Ала хула пии соонда Аран чула ат синi Хулағы, хузуруғы чох Хуу Пӱӱр, Ала хула пиинi Чирге сӱр турадыр, 760 Хулағы, хузуруғы чох Хуу Пӱӱрнi Ала хула асхыр чаза хаап тур, Ала хула асхырдың тирi Тубан чiлеп кöдiрiл тур, Ала хула пиид i ң Iкi холтыхтаң Ах кöмiк андар ы л турадыр. Саадағынаң ир чахсызы Саазах суура тартхан, Хурлуғына ң Хан Мирген 770 Iкi ух сығар ғ ан. Сырлап иткен сыр чöмезiн Сы ы рсахти тут парған, Кӱрчек саппа кӱр кискезiн Кискее тастап турадыр, Саазах пазы алызыбысхан*, Иргек пазына хан тӱӱл турадыр. Чарын пазы теес турған туста Саазах саплап, ох кöглебiскен, Аң кӱлӱгi Хуу Пӱӱрнiң 780 Кöксiнең кӱн палаңнабысхан, Халыхтап ойлап парып, Алты пас азып, сööнген, Кӱн кiрiзi чирдi кöре, Кирiлiп, сööйлiбiскен. Iкiнңiзiн адыбызарға Хан Мирген маңнанмаан. Изебi чох Хан Мирген