Кузнецов И.В., Книжность Древней Руси (XI-XVII вв.)-2021

ТЕКСТЫ ДРЕВНЕРУССКОЙ КНИЖНОСТИ 212 СИМЕОН ПОЛОЦКИЙ. СТИХОТВОРЕНИЯ Из «Вертограда многоцветного» Богатых обычай Богатым есть обычай щедро раздаяти сребро тым, иже ведят кощунства деяти, И на суеты мира. А где подобает в ползу нуждную дати, богачь скуп бывает. Души цена Хощеши ли твоея души цену знати? Христос на ню изволи кровь свою отдати. Неудобная и неподобная Четыре неудобна дела обреташе, пятое неподобно, Платон глаголаше. Неудобно, рекл, дело гордому служити и от сребролюбива мужа что просити. Еще со лживым мужем куплю совершати и со искуства праздным беседу творяти А неблагодарному доброе творити – исповедую весма неподобно быти. Из «Псалтыри рифмотворной» Псалом 81 Бог ста во сонме судей рассудити, како во людех тщатся суд творити. Доколе ложный суд извещаете, лица муж грешных права являете. Сира и вдову право рассуждайте, смиренна, нища в правду оправдайте. Нища, убога от силных измите, из рук грешничих правых избавите. Но они сего в разум не впустиша, лиц приятием помрачени быша. Основания земли ся смущают, вся развращенна во мире бывают.