Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Мнара Ақ Каан... деи, дӱй, дӱй, дий, Алтын ӧрге... деи, дӱй, дӱй, дий, Қазыр келгеней... азагоқ... Позақ кече... деи, дӱй, де, де, Алтын Қааның сурабыс турды-р Қаан... Қайран мениң, деи, дӱйи, эр қааным... Аара-пеереқ келе перген аттардоқ, Тӱжип поға сурап... чӱгӱр... дӱй Алтын ӧргее* пае киргенди, Улуг-Кичиг Алтын Сабақ сурапчалар: 130 — Эзе, Ақ Қааныбыс, Алтын чаллығ ақ қыр ат Ноо кереқ кирген? — тедир. — Ноо кереқпе кирзин? — тедир, — Алтын Қаан, нанчымның, Ара чағыс Алтын Сабақ, қызын Аттап-шаптап улуг той полкелип, Кижеги перерге этчаттыр, Қайдыг мериг салчанын ол аны пилбен, Ноо, меең сооба ыстыртыр, — тедир. 140 Ээде эрбеқтешбодурчыған тӱштарында, Қалқалығ эжик қайра шабылды, Ақ Қаан қарча айланкел, анаң кӧргени: Тоғус қадыл кӱмӱш қуйақ кессалған, Алып тӧлӱ пае кирди. Алып тӧлӱ пае кирип, эрбеқтенча: — Эзе, эм кӱлӱгӱм, Ақ Қаан, — тедир, — Алтын Қаан, нанчыңның, черинге парзаң Ноо, Алтын Сабақты, — тедир, — Ақтап-шақтап, 150 Позуңға алкел, ақкелерзиң, — тедир. Пону уқкан Ақ Қаан эрбеқтепча: — Пай, пай, ат позуң, алып позуң ӱш қулақтыг ақ қор атсың, — тедир, — Меең чарышқа чӧрчитқан, Ақ қор атсың, — тедир, — Чӧӧк андиғ келишпес еӧсти Эрбеқтепчаң, — тедир. — Мен, ӱш тӧлге четпарған Ақ Қаан, — тедир, — Алтын Қаан, нанчымның,