Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

90 Алтын ӧргедиң пас шығып, эрбеқтенча: — Пай, пай, алтын чаллығ ақ қыр ат, Алтын Қаан, нанчымны, Қайдығ черге таштапсал, келдиң? — тедир. Пону уқкан ақ қыр ат Мағрапкел киштепча, Мастанкел эрбеқтепча: — Эзе, ақ чарықка Толдура туған Ақ Қаан, — тедир, — Алтын Қаан эм кӱлӱгум 100 Қырық ашқымнығ Алтын тайға тӧзӱнге Позуңнуң черинге чатқалды, Мени саға ысты, — тедир. — Ноо* кереқ ысқан? — тедир. — Ноо кереқ ыссын, — тедир. — Ара чағыс, — тедир, — Алтын Сабақ қызының, — тедир, — Улуг тойы полча. Қайдығ мериг саларға оңнанман, Оно*, саға ысты, — тедир. Тирада 6 (напев II)