Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

31 Ас па, кӧп пе тем эрткенде — Панӱгеш пазоқ аңнап па- рарға санабысты, аба-ичезинең суранаберди. Ылар айттылар: — Ам, палам, позуңма қожа тӱлгӱчеқти кӧгдӱрбал. Ол саға аңнарға полужар, астырбан эмге де алып келер. Панӱгеш тоғра шық пае полду. Тӱлгӱчекти кӧгдӱрқалып, улуг чыштың тӱбӱнге пара қалды. Кииқтиң себизин тала, адаберди. Қуштың қаразын талап, ӧдӱреперди. Кӱн эртенерги темде ээлин- ге тебе нанып шықты. Аңның чақшызын ақкелер шени, аңна- балды. Рақ парды ба, чағын парды ба: орта чолду четкенде, мӧзӱк кузуқа пазоқ чарбаныбысты. Шыға-шыға ақтап кузуқ пажынға шығыппарды. Чер эбире кӧрӱп пир чанға ла тӧбе кӧрӱп, анаң кӱштен улғап, сықта тураперди. Ур одурду, тосқулғанче улғап, сықтабалып, тӱжӱпкелди. 32 Арғыш тӱлгӱчегибе алдынаң аара пазыпоқ шықтылар. Қы- зыл иир кирген шенде ӱйге келип четтилер. Аба-ичези ӱдӱре шыға чӱгӱрдилер, ӱргӱндӱлер. Апшый сеткибалды пазоқ улғаған- ның. Турпарған Панкечеқ чииш чиибалды чадып, узуберди. Те­ рец уйғуға кирибисти. Апшый кижи тӱлгӱчекти қыырбалып, сурап шықты: — Айдаперзең, тӱлгӱчек, қайде чӧрча, сеең ээзин шапты ба, тепти ба сени? Пир, пир небе сеткидинма, чажырбан айда- пер. Тӱлгӱчек аң ӱнӱбе шыңна перди, кижи ӱнӱбе эрбеқтен тур- Ау: — Ноо айдарға, анаң артық қайдиг ээзи ползун? Мени шап- пады, теппеди, маға кӱн тооза пирге чӧрдӱ. Қачан эмге нан- чытқанде, орта чолде мӧзӱк қузуқтуң пажынға пақкелип эбире кӧрӱп шағанаң улғап, сыықтады. Ноодаң аара ээде тың улғап сыықтады — аны мен пилбенчам, — тедир. — Ноо ле полчан на ол? Ноодаң учун улғапча ол? Андигде пилзе узақпа уңнап ле аларым, ачығ кӱнӱнде полужубызайын мен! — тедир. 33 Ac чатты ба, кӧп чатты ба — аңнап-қуштап парарға Панке- чеқ пазоқ сурана перди. Абазы-ичези парбасқе чӧптеп чалға- ныпчалар. Панкечеқ қайдағы чӧпке келердең? Уғарға кӧӧлен- мен турча, ӱйде одуруп эштенменча, мылтығын, сумкезин алып- перди.