Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

— О, ағаш айагымды орлатпан ползам, мениң тапқан тӱк небелеримни теген алыпполбастар ээди! — тедир. Улғаған озуба, аара пара-пара келгени: ақтапкелип, азыппар- ды. Қайара парарын пилинмен, аалдынаң аара параперди. Азыпар чӧре-чӧре келгени: ақтап келип турпарды. Нанчаң чолуң, чиди- рибисти. Пир кӱн чӧрче, ийги кӱн чӧрче, ӱжӱнчӱ кӱн парча. Чиичең азығы тозулпарды, аштаң аштап, сугдаң суқсап* чӧрче. 27 Тӧртӱнче кӱнде кӧрзе: терең чыштың тӱбӱнде нандалыппар- ған эски эмичек турча. Кӧк тӱдӱнек тегри кӧӧке тартылча. Панӱгеш по эмчеке тебе пазып келген темде ӱдӱре адайақ ӱрӱп чӱгӱрипкелди, тӱлгӱчек табыжыбалғанче чӱгӱрип келди, кӧшке ақтағанче ӱдӱроқ чӱгӱрипкелди. Парчазы қузуруқтарын шабыш- тире, поға чылантанаперип келдилер, ӱйчеке тебе қыырып тур- Аулар. Панкечеқ ақтеқ полду, ӱйчеке парыпкелди: эжиқ ажып, эзен перди, эркен алтан, менди* перди. Қаары апшый ӧрекенибе чуртапчаттырлар. — Эзен, оғлан чаштығ кижи! Ноо писке минде қанаттыг қушта учуқ кирбенча, арсақ туйуқтыг аңда чӱгӱрбенча. Қайдаң келип, қайаға парчытқан кижизиң? Эрке оглан сен кижи, ады- тӧлӱн кем полған? — Қайдаң келгеним, кемнең туғаным, ақтап пилбенчам. Қайаға парчытқаным, позумде пилбенчам. По тайғада аспар чӧрчам. Позума тең эр кижи тоғажыппарза, қарындаш ползун! Улуг кижилер тӱшчатса — оолары полуп, поларым. Адым меең Панкечеқ. — Мне-мне, писке андиг кижи кереқ полған. Пис қарып- парған кижилербис, азырабалған пала чоқ, қоштап ӧскен қарын- дажыбыс чоқ. Пистиң палабыс, пистиң эркебис поларзың. Пис­ ке тың ӱргӱнӱштиг полар! 28 Апшый-қуртуй пистиң оолды азырабалдылар, чаттырып узуттылар. Адайақ, тӱлгӱчек, кӧшкечек пары чоқ туткен малла- ры полтур. Пала полуп, ас па, кӧп пе чатқан темде Панкечеқ аннап-қуштап парарға сағынаберди. Пир темде аңнап парарға сурапперди. Апшыйлар ӱргӱнӱшкелип, чӧпке келдилер. Абазы, апшый айтты: — Только палам, чағысқа сени ыспассым, адайақпа пар. Аңар кӧрчен сен тың огланзын, пистиң чышта азыптап парарга ӱр эбес. Адайақ сени эмге алып келер.