Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Панӱгеш абырып чадып, терең уйғузун узубысты. Узун тӱндӱк тооза узуп, эртен турупкелди: чоқ, тӱжинди ба, чоқ по черде бе пилбенпарды. Алтон қатпаштығ, алтон толғайлығ, тоғузон толуқтуғ ӧргеде чадып, узупчаттыр. Кӧбӱг тӧжекти қол частықе чатча, қойдунда қыс палазы чатчатыр. Ӧргени эбире сат ӧзӱп шықпартыр. Пашқа-пашқа чақкийлербе, честеқтербе азылын турчалар. Пашқа-пашқа қушчақтар кӧглешчалар, пашқа-пашқа аңнар постарының ӱннерибе табыштажып турчалар, чӱгӱрӱш- чӧрчалар. Пир чанда чалбақ суг ағып тӱштӱр. Сарығ қумақ аразыба суғ ағып тӱжӱбӱстир. Суғ чоқ чатқан кижилер тыннары киртиг ижибалтырлар. Андағы чатқан қалықты суғба суғарыбалтыр. По улуғ ӧргеде кӧп қалық келип, чадабертир. Пашқа қаанаң келип чатчадырлар. Парчазы келип Панӱгешти алғап турчалар, чақшы кӧрӱп, чақшы эрбеқтешкен аара. Чаш алған кижизибе, мында чатқан қалық чақшыба, ӱргӱ- нӱштӱг чада пердилер. Ачайды-қокуйду ундудубыстылар. Ноо ла кереқ полза — пар, ноо ла чиирге саназаң — парчын пар. Панӱгеш аңнап-қуштап ӱргениппарған кижи. Қайда қонуқпа чатса, аңнажын ундутпанча, эриштиг да полаберди. Эңчер аңнаң- қуштың эдин чиирге санаберди, аңнап-қуштап чӧрӱп шықты. Алындағыдаң артығоқ тогӱлӱп турча. Алған кижизи аңнап чӧрӱп моғабасқа, чалғанып тоқтадып полбан, турча. Пир шенде чепсенибалып, пир недиле поларға аңнап-қуштап парыбысты. Оғлан чаштығ алған кижизи, чағысқа чадық тыш одурбан турча, пашқа-пашқа, кереқтер иштеп пӱдӱрӱбодурча: эмин арығлап-чылтырадып турча, то садын арығлапча, то небе тигибодурча. Пир шенде иир киреберген шенде, чақшы кеп кезип, чазан- салған кижи киире пасты ӧргеге. — Эзен, эзен, мениң, қыймат келимай, слерге аалап, келе- бердим. Сеең апшыйыңның ачазы поларым, улуг ачазы. Мени позуңа ал, мени қоруқпе! — Пай, пай, таныш эбес кижибе қачанда айдыбодурған? Ол эбире ӧкӱс ӧскем течең: «Абам да чоқ, ичем да чоқ», — теген. Қарындаш чоқ ааң, сен қайдығ кижи полчанзың? — О-о, ол мени уңнабас па, таныбас па, тың, кичигеште чадыпқалған. Мен олоқ чилеп аңнап-қуштап чатқам. Ам пай- лаппардым, қочайын полпарғам. Че, кӧӧленген аңнажымны се-