Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

5 Шағана келип, пир эжиқтең шықты — пир алып. Шаға- на кел, қарбажыбызабергеннери: ол алып аара-пеере маңнанба- ды. Қара Мӧке весь таштады, ӱш кӧке шығара туткел қара ташқа шапкел, тыны шықпарды. Ийгинчи эжиқтең ийгинчи алыбы шықты. Ийгинчи алыбы шықканда, ийгинчи қарындажы. Кӱрешкен оолларыба Қара Мӧке неқ шени қара ташқа шапкелип, пажын чара шабысты. 6 ӱжӱнчӱ алыбы шықты, ӱжӱнчӱ эжиқтең: — Тоқта, — тедир, — Қара Мӧке, сеең тынынға четпенче писке, пис тоғус қарындаш сеең тынынға четпенча қалбас. — Посмотрим! — тедир Қара Мӧке. Ол кӱрешкен, ӱш кӱнге четпеди Қара Мӧке аны чалбақ ташқа шапкел, Қара Мӧке кел шабызоқпер: тыны шықпарды. Тӧртинче шықкан — тӧртин- че эжиқтең тоже. Шағанаң қарбажыбызабергеннери, иза, тӧртинге — чедибисти по. — Қайде пееде полчам? — тедир, — мен по ӱш кӱнге тӧртинге четтиргем. 7 Шағанаң ӧре қынаппарды. ӱш кӧке шығаркел, алыпты шабы- зоқперди. Пежинче қарындажы шықты, пежинче шықты. Пе- жинче эжиқтең шығып, ээдоқ келгенде қабыжоқпардылар. Қабыжоқпарғанда: — Мен, — тедир, — ӱш кӱнге четтире тутпачым алыпты. Қайде пееде тутчам? — тепкел, шағанаң келип қынапкелип, неқ шени қара ташқа шабыза пергени: сыны сайы сынман, тыны шықпарды. Алтынчы эжиктең шықты. Алтынчы эжиктең эдоқ келип, ӱш кӱнге четтирбен алыптың пажыноқ қырды. 8 Ээде пола, тоғузунче алыпқа келди: — Сен, Қара Мӧке, — тедир, — ӱргӱнме, — тедир, — мен қарындаштарымға тының четсалдым! — теп. Анаң аңма қабыштылар: кичиг қарындаштарыба. Қабыжа- қабыжа келгеннери: алты кӱнге четтилер. Алты кӱнӱн — тоғус кӱнге четтилер. Тоғус кӱнге четкенде, Қара Мӧке сананды: «Мен қайде пееде полчам?». 9 Қара Мӧке сағана* кел, пеленкел, четтинче кӱнӱнде, сағана қырге ӧӧре тӧреди. Қыр ӧӧре қынапкел, ол қара ташқа, неқ шени, қара ташқа аккел, шапты. Ам қыйғырды Қара Мӧке: