Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

27 Қаза-қаза, ӱш метр қазыбыза пер, анаң ноо, кӧргеннери: ӱш метр ӱш арчын шынап алтын пурба анда чатча. — Не, кӧрдиң ма? — тедир. — Аны қайдаң оңнабалдың, қайдаң кӧрбалдың? — тедир. — Хе! Мен не айамны чат, кӧрӱнди, — тедир, — маға. Ол алтын пурбуны албалып, анан пазоқ парчалар. Пара-пара, ылар черди ээде ле эбир чӧрчалар. Черди эбир чӧрӱп, анаң тол- бас алынға келдилер. Ол толбас по чердин сугу весь ноо, ол яма тушпарған. (Тадар тилбе кӱрӱк — чер кӱрӱге (яма).) Суг ана тӱжӱп, и ол ээде ле чоқ полча суг. Ээде шолап турча суг. А мында суг ээде толбан турча. Оно, анаң ылар ал­ тын паштығ ийги ӧртек полкелип ноо, ол толбасқа кирибисча- лар. И так до сих пор ылар чоқтар. 33. АЛГУТИК 1 Алгутик алып полтур. Қондумга чатқан. Ол Казан қааны- ба шаглашқан: оқча* тӱжӱнда — оқчаба. Кӱжӱ албан қалган, аны тудубалганннар. Казан черинде ол қарпарган. Ат қадачызы полган. Нек қадачызы андигоқ пашка чердең келген қыс кижи полган. Кӧк қайа пажында одуруп, сықтап чӧрген. Тогус қуқкай ат пажы қырыйында одурчыр, сықтапчар. Алгутик аны ийги кӱн кӧрген. Ужӱнчӱ кӱнде парган. «По теген кижи полбас, алып тӧлӱ кижи полар!» Анаң тогаш, эр- беқтешкен: — По тоғус таш ӱстӱнде, по тогус паш қырыйында одуруп, ноога улгапчаң? — По тоғус таш, по тогус паш алып пор аттың паштары полчаң! — теген. — Ол тогус пор ат қайдаң келген полган? 2 Ол қыс анаң айтқан: — Мениң тогус қарындажымнын аттарыңның пажы полча. Алындагы тӱште чалашқан полганнар, арыг кӱжӱбӱс албан қал- ган. Тогус қарындажым ӧдӱртӱпсалганнар. Анаң мен келгем, кӱжӱм албаноқсалған. — Сеен адың ноо, қыссың? — Алгутик айтқан. — Мен шор қыс полчам! Сен ноо кижи полчанзың, қарып- парган апшый кижи?