Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ам ылар анда ӱш қонмалып, анаң артын пазоқ парчалар. Пазоқ парып, пазоқ кӧп чер чӧрдилер. Қастинка Палыч айтча: — Эзе, тынанаң! — тедир. — Ноо, сен нан, — тедир, — мен еще чер эбир чӧрке- лей! — тепча Шуна. Қастинка Палыч наныбысты, по анаң артын парып, Ақ Қаан чатқан тура полтур. Ол Ақ Қаан чатқан тураға кирип, ол Ақ Қааның Ақ Торғу қыс полған полтур. Ол қысты алыбысты. Ол қыспа алыжып, ӱш чыл чатча. ӱш чыл чатбалып, азы анаң кӧргени, қурсақтыг полубусту. — Че, — тедир, — а мен пазоқ чер айлантыр, пар чӧрке- лейин, — тедир. Анаң артын пазоқ парыбысты. Пазоқ парып, ноо, пазоқ қаан чатчын тураға, Марқа Қааның черинге кирген полтур. Марқа Қаан чатқан полтур. Адазы-парий қыс, аны алыбоқпер- ди. Аны алып пазоқ ӱш чыл чадып: — Пазоқ чер эбир кӧрейин, — тедир. Парыбысты. Ам ол парып, Сарыг Қааның черинге кирди. Сарыг Қаанын черинге кирип, пазоқ адазы-парий қыс чӧрча ааң. Ааңоқ қызын алыбысты. Ол Сарығ Қаанын қызыба чатчытқанда, эзе, уже эледе тем эртиппарды. Поға пир ағыс чӱгӱркелди: — Эзе, Шуна, — тедир, — кӧзе-қара пар, — тедир. — Не, церкведи пир богатырь келепер, — тедир, — церкваның иш- тинде толдура чатсалды, — тедир. — Сени алдырча, — те­ дир. — Адың ноога, крезинге, паглапсалды, — тедир, — церк- ванаң. Кӧзе-қара пар, — тедир, — сени алдырча, — тедир. — Ноо андиг богатырь полган, келген? — тедир. — Пар! — тедир. — Кижи кӧрчың кижи эбес, — тедир. По тонанмалып парып, ағыспа парыбысты. Анаң парғаны, анаң кӧргени: церкведе қазақтары эжиктин шықкелтир, кижи чатча. — Кӧрчаң ма? — тедир, — қайдыг кижи чатча! — те­ дир. — Адын креске паглапсалтыр. Шуна келеберип: