Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Чииш чиипқаннарда, эжик ажалыбысты, анаң кӧоргенне- ри: пир чес қуйақтыг кижи кирди. Чес қуйақтыг кижи кирип, эжикти чаба чап, кирди. Анаң кӧргеннери, анаң ноолғанна- ры: қурчанчын нес тапанчалар, ол кижинең. Ол кижи эрбеқ- тенча: — Кӧрзең, — тедир, — меең эмге келип, еще меең чииш- терим чиипчаттырзар, — тепкелип. 15 Пае келген озуба, (э-э, улуғ кебегеди от кӧйчитқан, эзе, от кӧйча), келип, Шунаны тӧзӱнең тудубалып, қабалып: — Амоқ, мен силерди, — тедир, — кебеге киире таштап- келип, ноо ойлапкел чиипглепсаларым, — тедир, — ол кижи айтча. Шунаны қабалып, кебеге киире ноотчитқанда, ийги азағын, ноо ийги ноозынға талтайды тепкелип, турубузаперди. Ол ки- жинин тӧжӱноқ кел қапты, қыйғырча: — Қастинка Палыч, — тедир, — кел полушсаң! — тепча. Тиге одурған черинең қыйбранманча. По оол поғда кижибе ноодаң сегрибизеперди, қабыжып, (тӱңдери, чаба)* — эмейкти тартыбалды. Эмейкти тартыпкелип, пир қолба қурчанчығын қабып, пир қолба тӧжӱнең ноолкелип, ол кебеге киире таштабысты, Шуна ол поғда кижини. Поғда кижини таштапкелип, заслонқаны чапсалды. Тиге анда ноол қойлаппарды-но, қығрыты. 16 Шуна Қастинка Палычқа наара паскелип, эрбеқтепча: — Ноо, Қастинка Палыч, — тедир, — чабал иштебистиң, — тедир. — Чӧӧк мени ээде қап, а киире шелибискен полза, — те­ дир. — Чӧӧқ кескинең кел, қаппадың? Тиги: — Эқ, Шуна, — тедир, — мен парып, қап полушчан кижи эбес полғам, — тедир. — Мен сени оңнағам, — тедир. — Сен ағы шыдарзың. Сен киндиги чоқ чайалған Шуназын, — те­ дир. — Сен теген богатырь, теген алып чайалған Шуназың ма? — тедир. Мен оңнағам, — тедир, — сеең кӱжӱн қабарын. Ол мени азақпа ӱзе тебизер эди, — тедир. — Мен силердин чанда боғатырьзим ма? — тедир. — Мен оңнағам, — тедир, — сен аа шыдарзың, теп анаң аара арлаш- падым, — тедир, — а то мени ӱзе, ӱзе тепсалар ээди, — те- дир.