Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ээде ноолғанда, тигилери сарбазан аленип, сарбазан кӧзе-қара алендилер. Сарбазан аленип, оқтапкелип, поза ам турча-на: — По сардаң пожанбалзам, — тедир, — мен Том туралары тооза қыыралыбызарым! — тепкелип, қыйғырча. Сарбазын оқтапкелип, по қуйақтыг, эзе. Сарбазаннаң анаң атқаннары, ол қуйағы ӧтпенсалды. По только пошатнулся, но қуйагы ӧтпенсалды! Ийгинчизин маттап тың оқтапкел, ийгин- чизин кел атчалар поны. По қыйғырча: — Поны пилген полған ползам, — тедир. — Чолдоқ мен силерди қыырғлапсалар эдим, — тепкелип, қыйғлапча. — Чӧӧк чолдоқ силерди қыырсалбам, чӧӧк по ичилбилерди тала тепке­ лип, пеере энкелдим!? — тепкелип, қыйғлапча. 13 Ийгинчизин қада больше салкелип, нооны, тарды ча, атқан- нары, ӧтӱре адыбыстылар. По ол, ноо соңнан парған озуба суға келтӱжип, суға тӱңдере келтӱшти — сал ӱстӱнде. Анаң сугде ӱш кӱн ол тебин чӧрген полтур. ӱш кӱн пажында, анаң тыны шығып, анаң ӧлген полтур. А оолағы тезе, ол теспарған оолақ, қазақ қааныға парған полтур. Қазақ қааныға парып, қазақ қааның қаарындажы Қас- тинка Палыч полған полтур. Ыларды чат ӧскен полтур. Прямо қаанын эминде. Ол Қостинка Палыч, эзе, кӧрча тоже шағлат- тырған кижи полтур. По оолағашты кӧрип, оно крес абазы ол полча. 14 Оно, Шунаны ол воспитывать этче. Оолақтың ады Шуна. Ол воспитывать эдип: — Чӱтче ӧзӱбалзаң, анаң чер эбирерис, — тепча Қастинка Палыч ол кемни, Шунаны. Поны ол ӧстӱрбалып, анаң чер эбир парчалар. Кӧп чер чӧрчалар ылар. Кӧп чер чӧрип, пир арғыға келчалар. Ол арғыға келгеннери, ноо улуг арғы ӧттӱре қарағай ӧскен чер полтур. Ээде кӧргеннери: қарағайдаң ужу-пажыба эм иштетсалтыр. Мӧзӱге қыйал и поғдазы қыйыал. Анаң киргеннери: столда чииштер чатчаттыр, кижи чоғыл. Пеере чӧр кӧрӱбӱстилер, қом- натарда — кижи чоқ. Одуркелип, чииш чиипчалар ам.