Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

— А меең пар-но, — тедир, — сатчар-но! — тедир. Ол тура сегрип одуртупкелип, чииштер салкелип, пашқа комнатқа кирип, анаң кӧргени: пир ташаор ашықты араға, тур- салды. — Нойпардың, — тедир, — поны ишкел, чии, — тедир. По араны анаң ишкени: — Қазақ аранғазы қайдың келди, — тедир, — сеең. — А ӱӱр ба? — тедир, — педе иштебеларға. 8 Ээде эрбеқтешқенде, оолағаш чӱгӱркелип: — Аба, — тедир, — ол ашты ишпе, — тедир. — Ол ашты ижибиссең, — тедир, — улуг меккейге кирпарарзың, — те- дир. По сразу сананча иштинде: «По однако қазақтар пеере чет- кеннер ошқаш, қазақ шерийлери». Қанче ле сурап полбан- салды. — Меең пар-но, — тедир, — ишчин, — тедир. По сананча: «По ноо аштар қазақ та ажы полза, мени чығылдырбассар», — тепкелип, ол ташаорды ижибисти. Ижи- бискенде, ол қуртьягы ташаорды албалып, пазоқ кирибисти, анаң кирип, шықканы, пазоқ пир айақ ашықты: — Иш! — тедир. По ӧқпеленча, одурсалып: — По чооқ пееде мени ижирерге санапча, — теп. — Иш кӧрейин, — тедир. — Шынап та ишсем, ноо эдибалар мени? Ол ташаорды ижибиз-оқ перди: — Пеере ашық, — тедир. 9 Анаң кирип, анаң кӧргени: пир бочке қазақ арағазы турча, спирт. По иже-иже, аа сус ла ашыга перча. Иже-иже, аштаң қайа парзын, чығылыбысты-но. Чығылыбысқанда, ташқара шығып: — Эмде мешать ээдерим! — теп, ташқара шығып, чығылы- бысты. По чығылдоқ, анаң оолағажы, эзе, кӧрча. Анаң кӧргени: қазақ шерийлери, қазақ солдаттары по кел шықтылар. — Э-э, абалабыстар, чығылды! — тедир. — Ам поны сӧртеп аленерге кереқ! — тештилер.