Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Шежинибистилер, они вдвоем одуртупсалдылар. Қыс пала­ зы чииштер сал, сӧӧктер эзе, (ноо, «арғалығ сӧӧк» — течиңнер- но алында) азрап чада пардылар. Ол эр кижи ээдоқ чиипча: — Меең адым — Қара Топақ поларым, — тедир, — по меең қызым, — тедир, — оно, ийгеле чатчабыс, — тедир. 5 Аш перчалар, эзе, ийгеле ижип-ноолып, анаң айтча: — Эзе, Қанза Пег, — теди, — ам анаң қайа парарға пӧгӱнчаң? — тедир. — Писке қалзаң, — тедир, — не, қызым- ба алышсалзар, чатсар, — тедир. — ӱжели чадарыбыс, — те- дир. По пӧгӱнди-пӧгӱнди: «Шынап, мынаң артық, чер қайа, анаң қайа тес парам!» — теп сананча. Қызын алыбысты-но. Ас чаттылар, кӧп чаттылар. Ол Қара Топақ, эзе, ол қыстың абазы ағрып, ӧлӱбӱсти. Чыыпсалдылар. И қуртьяғы қурсағтығ полубусты. Анаң туғбалғаны, қысчақ туғбалды. По кӱндӱскӱзин ачықтап шығыбысча. Малынаң ийги кулағы кӧрӱн, ээде қырбал, аленча аң-қушты. 6 Чатчалар, эзе, парчын небе четча. Ол қысчақ ӧзӱп, улуғаш по- лубусту. Пазоқ қурсақтабысты, анаң туғбалғаны, оолақ. Ол оолақты туғбалып, ам кӧрчалар: анаң кӧргеннери, киндиги чоқ оолақ: — Улуг обал! — тештилер. — Киндиги чоқ пала туғбалдым, — тедир. Қанза Пег ӱрӱктепча: — Оно, киндиги чоқ пала туғбалдын, — тедир. — Настоя­ щий богатырь полар, — тедир, — по, алып туғбалдың, — те­ дир, — сен. Ам ээде чат, оолақ уже чуғӱрчӧрперди. Анаң оолағашқа уже где-то сегис чаш полубусты, қысчағынға где-то он пир-он ийги чаш полубусты. 7 Ачықтап чӧрча. Пир шығып аң-қуш қырбалып, энкелди. Эн- келип, анаң киргени: қуртьягы қайдығ-қайдығ торғулар салса- лып: пыжыйын, пыжырбодурча, тигерин — тигибодурча. — Пай, — тедир, — миндиг қазақ ноозын, тобарын, қайдың алдың? — тедир.