Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң пир оолағажы кел киргени: ичезиниң азақ-паштары, мойну-пажы шӧйӱлкел, азақтары қызыл полкел, эди-чаннары тезе чӱгбе ӧспартырлар. Анаң ол пала пар, ичезиниң азағын қапкел, айттыр: — Ичем, учуқпа, мен саға суг ақкелеберем! 2 Ол пала пар парчын қарындапггарын қыырыбалтыр. Қарындаштары тезе, аны кӧрӱбалып, улғап шықтылар*. Улғапкелип, айттыр- лар: — Пис сеең сӧзӱң уғарбыс, суг ақкелеберерибис! Ичези тарыныбалкелип, кӧӧк полубалкелип, палларын таш- табызаберип, учуққанда, ол оолағы ичезиниң азағын қабал тут- тыр. Анаң аара кӧӧктуң пир азағы қызыл*. 17. [ТАРБАЙ] Аары матқазы, қачен ӧлчиғанда, пир уғлы* ааразы келтир, а пир уғлы тезе келбен қалтыр по. Келбен қалғанда, анаң иче­ зи прокляла, қарғаптыр-но*. Только кижи ӧдӱрбезин аны. Кижи ӧдӱрбылаар, тегбелаар теп! А аары пол, учқпазын, а қорбалчық пол қорбалып, чӧрзин теп. 18. [АПШАҚПА ҚАТ] 1 Ноо, алында-пурунда, не знаю қайдығ аймақта полған, қат- тар честеқке чӧрчаттырлер*. Чайғыда эзе, честеқке чӧрчалар, но, чыылыжбал честеқке партырлар. Честеқ can чӧрчитқанда, ам эмге нанарға, қыырыштырлар. Қыырыжбал, пир черге чыылыш нанарға. Анаң ол пир қатты тезе қыйғырчаар, қыйғырчаар, пир- да ӱңдешпенчитқан. Эзе, чӧр тилептирлер, қыйғлаптырлер, қыйғлаптырлер, анаң иир полчитқанда, нанкелтирлер. Эртенде эр кижилер партырлар тилерге. Қанче ле тилеп, тайғаны чӧр, эзе, қайде чӧргеннер — ол черде, анаң аара тилеп чӧртирлер: пирда чоқ таппансалтырлар. Пир недле тилеп, тап- пансалтырлар. 2 Че, анаң қанче чыл эрткенде: ийге чыл ба, ӱш чыл ба? Ийги чыл полпарғанда, ачықка партырлар, қышқыда. По анаң кӧрзе- лер, апшақ чӧрчитқан, удивились, эзе, қышқыда қайде апшақ чӧрчең? Апшақ инге чадар кереқ, ам пир охотниқ адарға эт- читқанда, ол қолун ӧре кӧдӱр, чӱзӱн, эзе, чозунчитқан чилеп