Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

эбессибис. Мындағы чажыбаларбыс. Тағ-суғба кӱлӱм чӧрербис, — тешчалар. 23 Қанче ле пар аң-қуштың тилин, тооза уңнаперген ошқаш полду. Соған ӱргӱнӱбӱзеберди. Кийга кире пасты, чер чепселенин чепсенеберди, чол парарға тура парды. Эзен салыш суражабер- ди. Апшақ-ӧрекен айттылар: — Эзе, палам, — тештилер, — қара чазық парзаң, чыш- тығды чолға эртиспен четпессиноқ. Эзе, қызымай, қайде ақкел- гензиң, анароқ четтирсаларға кереқ. Кайде ақкелгензиң, эдоқ аппарыпсалаларға кереқсиң! Аны уқкан қыс палазы, уғабалды, чоқ ла полду. Тӱрбӱледи келе силгинибискени, қара чылан полубусту. Соған аға арта ми- нибискени, қарағын сыплада минибисти. Чылан шаганаң қый- бырыпкелип, парыбызабергени: ӱстӱнге минген Соғанның ийги қулақ ла сыылашодурғаны. Учуғуп парчер тезе, қанат сыылағы угӱлбанчадыр. Чӱгӱрӱрӱп парчер тезе, туйғақ соқсуғу пилдирбен- чадыр. Чербе чырча ба, воздухпа ушча ба? 24 Ас па, кӧп пе ушқан пажында, чылан тоқтабысты: — Че, амды, арғыш, қарағын ажып кӧрзеең эзе, — тедир. Соған анаң кӧрӱбӱзебергенин: қайдаң одуруп алдында парған, ағоқ келип тоқтаппартыр. ӱш чыл алдында чыланың тының алған чер полуппартыр. Чылан черге келип, шабыныбысқаны, қыс палазы ӱӱн позу- ба туруп тӱштӱ. Пону кӧрген Соғаның кӧӧлӱнкелип, кӧңнӱнге кирди, сананкелип, сағыжынға келишти. Алдынаң ала кӧӧленип чӧрген полтур. Ақсынаң шығарып, айдарға полбан турду. 25 Қыс палазы айтпаза да, пилген полтур. Поға ол кӧӧлениби- зоқпертир, миндиг эрбеқ айтперди: — Пистиң кӧӧленежибис тептеген полбасқа, дожили. Мен тағ эзиниң қызы поларым, анаң аара кӱннӱг чердиң кижизин- ге маға парарға, чарабанча. Слердиң черге маға чӧрерге, чара- банча. Чер ӱстӱндеги ноо ла маллар шынығдың амды пилип пилепердиң. Аны кӧс кижиге айттырғанып, теп санадың. Қайде, қайде айдабызар ла ползан, шаға-оқ тура чоқ полупперер. Кӧр, мениң айтқан сӧзӱмнӱ ундутпастың, — тедир. — ӱш чылға шығара қадарған қойларың ӱжӱнзӱнче полуппарды. Қой эллери- нең амды пир паладың қайзының аларзың. Қойларды тооза ээле- ринге пербессиң, — тедир.