Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Соған чӧпке келди, оғлан палларба ойнабоқ қаларға сана- бысты. Сағыш тарадып тем эртизерге, чединишбалып, пазоқ пардылар. Оғлан паллар эдоқ ӱргӱнӱшкелип, ӱдӱре алтурчар. Қомус қағылып турча. Сарын қаткы-кӱлгӱ, серкиш шықча. Тағ- суғ қожа сарнажып, кӱлӱштурған ойнаш полча! Кӱн тегридең шалып тӱшча. Изигин-чарығын ачынман изит турча. Пазоқ иир кирер теп, полаберди. Постарынға полғанча ойнубалып, пазоқ нанып шықтылар. 19 Чолда келчадып, қыс палазы пазоқ сураберди: — Че, амды қанче тем ойна эртистибис теп, санапчаң? — Че, позуңда пилчаң, позуң сурапчаң? Эртен келдибис, иирде нанчабыс. Пир кӱн эрткениң пилбен сурапчаң ма? — те- дир. — Чоқ, аргыш, пир кӱн эбес, пир чыл-оқ ойнабыстыбыс. Соған пазоқ шӧчӱбустӱ: — Че амды нанпарчаң небе пош. Мени ичем амды ақтап- келип чидирибисти, тириге салбанча, анаң не тоолан, мени ачы- нып ачынчатқан полар, — тедир. — Тептеген сағыштырба, пирда небе полбады, абыр-қасық чӧрча. Че кичиг сағышрап та полза, аның ордунға алдынаң аара тың чақша полар. Амды саға парарға тем келди. Қачан нанарға чепсенеберип қалзаң, мениң аба-ичем, мениң тынымны кӧрге- летқан учун саға улуғ сый перерге айдарлар. Азағыңнаң пажын- ча шығара кӱмӱш ақча ӱгерлер. Сен аны албассың. Анаң аза- гыңнаң пажынча шығара алтын ақча ӱгерлер, аны албассыңоқ. Калғанында азағыңнаң пажынча ажыра қара албыға ӱгерлер. Аны албассыңоқ. Андығ полғанда: «Сениң чақшымды, нооба нандырып пер- чең полғанмыс?» — теерлер. Сен айдарзың: «Че, ээде ле сый- лабанче нандырбас полғаннарыңда, сыйлазар паза мени андығ кӱшпе: мен парчын аңнардың-қуштардың по чер ӱстӱндең, пар- чын агаштың-ӧлеңнең тилин пилерге кӱш пераар!» — тедир. — Че, сен ыларға айтпассың, мениң ӱргеткенимди. 20 Ас па, кӧп пе чатқан пажында Соған мындағы чер қайдығ да чақшы чер полза, элдиң чери ээриштиг полаберди. Аймақ чери аарыштығ полаберди. Черлиг кижи чексеберди, черин санаберди. Суглуғ кижи сусқаберди, суғун ичерге* санаберди. Черинге на- нарга чепсенперди. Апшақ-ӧрекен айттылар: