Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ээде чооқтаныба ла, изиг поча ақкел келди, анаң айтча: — Мен силердиң пақпырларың чазыбызам, қарындашта- рым! Анаң изиг почады ақсыларынға ураперди. Ол изиг почаға кӧйип, қарындаштары ӧлип чӧрибистилер. Қаттары қазақтардаң тескенби ле, айланмандырлар. Анаң ӱш Қарақ оларды табалып, айтча: — Қайда пееде қарындаштарымны ӧдиртипсалғазар? Мен полған ползам, по чоқ полар ээди! Мына кӧрип, қаттары сағыштары шығып, ӧлбӧк чӧрибис- тилер. Анаң соонаң ӱш Қарақ чооны чыып, қарындаштарын аппарып чыыпсалды, тойларын эдибисти. По қарындаштарың- ның чурттарын позыноқ қолына алып, ӱш Қарақ пайлап-чуртап қалды. 10. ҚОЙ КӱЗЕТЧЕЗИ 1 Эңне пурун, пурун полтур. Қайдығ да черде, рақ черде талай ақчаның черде полдум. Анда пир эпчи, ӧксӱс чоон абақай чур- таптыр. Аның чағыс кичиг оолағы пар полтур. Паза ла пирда небеги чогул: пӧйлези да чогул, эжик алдың да чоғул. Орта чажы шаппартыр палазының пашқа, қанчы да ишти- зе, пирда небе қудуп полбансалтыр. Пир тойчалар, ийги кӱн аштапчалар. 2 Пир шенде ичези айтты: — Эзе, палам, кӱскӱ-чайын кижилерге қой қадарыш, кӱзе- дерге чаланып кӧреең ме? Қанчезин пееде аштарбыс, пооң па- жында аштаң ӧлербис, — тедир. — Қайтсың иче, сен қайде ле полза, мен ээде. Тоғра нооға шығайын? — тедир. Чӧптежибалдылар, кижилерге чӧрӱп шықтылар, кемниң қанче қойун уңнарға. Қошта қойчулуга киргеннери, аның пир қой полтур. Алыжа пир тертичем эдипсалдылар. Ийгинчигин- де киргеннери, ааның ийги қой полтур. Ийги тертимеш этти- лер. Анаң аара ӱжӱнчизинге киргеннери, ӱш қой полтур, ӱш тертим кезипсалдылар. Тӧртӱнчизинде — тӧрт, пежичизинде — пеш. Алыш чӧркел, ээде парапердилер. Оолақтың ады Соған полған.