Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Эде ле теенде, ӱш Қарақ тықтанып, туңмаларынзаа чӧр шықты. ӱш Қарақ Ийги Қарақка чедип кирди, анаң кӧрип эрбеқтешчалар. Ийги Қарақ айтча: — Пис пирер муң тиин аттыбыс. ӱш Қарақ айтча: — Мен по чорықты айдаң на албағылар таптым, анаң соо- наң мазарға чӧрип пайлабыстым. Мазарға кӱл, кӱйлек арлығ полтыр. Кӱл, кӱйлек садып, маттап пайлабыстым. Че, мында сыйланған соонда ӱш Қарақ ӱгезинзе чӧрибис- ти. По қарындаштары аны уғуп, аңмарларынға от суғубусты- лар. Аңмарлары кӧйип тоозылғанда, по қарындаштары кӱлӱн, кӱйлектерин қапқа суғубалып, мазарға чӧрибистилер. Мазарға чеде, садып шықтылар. Поларды* кӧрип, қазақ кижилер соқ- соғып нандырыбысқаннар. Анаң по қарындаштар пазоқ ӱш Қарақка оолларын ыстылар. Ноо, оолар ӱш Қарақка чедип, айт- чалар: — Сениң уйадып, абий сени қырчалар. ӱш Қарақ нооға қырчатканнарын пилибискен. 25 Анаң по ооллар нанымысқанда, ӱш Қарақ ызыгдаң нан- чатқан қазақтарға айтча: — Силер мынаң аара парғы ла, анда меең қарындаштырым чатчалар. Олар силерди араға ижерге қырчалар. Аны уғуп, қазақтар Пир Қарақтың паза Ийги Қарақтың черинге четтилер. Анда четкенде айтчалар: — Силер писти қырғызар ба, араға ижерге? По қарындаштар айтчалар: — Чоқ, чоқ пис слерди қыырбабыс! Аны ла уға, по қазақтар поларды соқ шықтылар, анаң айт­ чалар: — Нооға писти алақтырып, қырғазар? Анаң по қарындаштардың арағыларын ижип, по қазақтар эзирепердилер. Эзирбалғанда, қазақтар по эмдеги немелерди ат- тылар. Ээде эдип, мынаңоқ аара чӧрибистилер. 26 Эртенде ӱш Қарақ қарындаштарынға келди. Келзе: қарын- даштары соқтырсалтырлар, арий ле қылтан чатчалар. Аны кӧрип, ӱш Қарақ айтча: — О, қарындаштар, қайде пееде маттап араға ишкезер? Ам пақпырапчатқан поларзар?