Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

21 Анаң келип, той-пай салдылар. ӱш Қарақ алтын чирчебе арағы перди по тағ кижилеринге. По кижилер ишпен одуры- быстырлар. Ээде одурчытқаннарында, по қыс айтча: — Олар айақпыла араға ишпенчалар. Олар ишчалар конек- пиле. Уш Қарақ поларды кӧнекпиле сыйлап шықты. Ийги недле шығара той салдылар. Ийги недле пажында ӱш Қарақтың арағазы четпенқалды. Анаң тағ кижилер тарыныбыстылар. Тағ кижилериңнең қызы айтча: — Че, тарынбағы ла, иче-аба, меең торға кӧгнегим талал- банқалған. 22 Ээде ле айтқанда, тағ кижилери қызын атқа одуртбалып, ӱгилеринзе айлан чӧрибистилер. По қыс чӧрибискенди, ӱш Қарақтын оолгы азырғанып қалды. Ээде чатпарчатқаннарында, ӱш Қарақ аң терелерин садарға чӧрибисти. Ээде парып, пир садығчы парып, садарға чооқташсалдылар. По садығчы айтча: — Че, аң терелериң ташқары да салсал. ӱш Қарақ ташқара шығып, аң терелерин қапқа суғуп, қапқа кӱл урсалды. По садығчы аны сыйлап шықты. ӱш Қарақ кичиг ле ишкенде, эзирпарды. 23 Эртен туруп, ӱш Қарақ ол қабын кӧркелип, айтча: — Сен айтқазың, пирда неме читпанча теп? Парчын аң терелерин алыбалтырзың, ааңның ордына кӱл урсалтырзың. Ээде айдып, стол ӱстӱнға чаба таштады. Аны кӧрип, садығчы айтча: — Қачан да пирда кижи албачаң. Уш Қарақ айтча: — Сен меең аң терелерин тапазең*, мынароқ аара қаанға парам. Ээде ле теенде, садығчы: — Ол аң терелерин ужун тӧлепперем! — тееди. ӱш Қарақка ӱш қоптаң ат перди, паза шанақка толдыра тамарлар* салперди. Аны ла алып чер-сӱгӱнзе айлан чӧрибисти. Чер-сӱгӱнде чедип, ӱш Қарақ пайлап-чуртап шықты. 24 ӱш Қарақ ӱгенге четкенде, Ийги Қарақтығ оолғы, поларзаа четти. Анаң айтча: — Уңнада, абий силерди қырча.