Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

полтыр. Сыбысқалығ сынға шықты, сылағайлығ пелге тӱжӱп, кӧрзе: ийги қарындажы мында одағ эдип, чатчаттырлар. 10 ӱш Қарақ по ийги қарындажынға чедип, айтты: — Че, қарындаштар, ӱжелең қожа чадып, аңнап чӧреңнер, теп. Анаң ийги қарақ қарындажы қанығыпкелип, айтты: — Сен, пелең немеге келип, писпе қожа чадарға ба? Сен пашқа черге парып чат! По ӱш Қарақты кӱрчеқпе салала шаппады. Пир қарақ қарындажы айтты: — Урышпағла тайғаа, тескере полпарар, тайғыда урышпа- чаң, аң-қуш таппаспыстар. 11 Анаң ӱш Қарақ парып, қар қазып, тонычағын чабынып, чат узубусты. Эртен туркелзе, ӱстӱне ӱш қарыш қар чаппартыр, анаң арий ле турубалды, қар алтынаң. Анаң пӧгин кӧрзе: «Одағ эдерге кереқ полтыр. Анаң аңнап чӧрерге чақшы полар!» Одағ эдибалғанче, ӱш кӱнге четпарды. ӱш кӱнӱң пажында одағ эдибалды. ӱш кӱнге четтире одың алды: «Қарааға четтире чӧрибиссем, моғаппарам, одың аларға аар полар!» — теп сағынча. Ам по чағысқан одыркелип, абыртқа салсалып, позы позынга қайлап, нартпақ* салыбодырды. Анаң позы узанын да, пилинменқалды. 12 Эртен туруп, мылтығын оқтады: оғы мылтықка чақшы кирбенчытқанда, малтыбыла шап оқтады. Анаң тайғаға аңнап шықты. Ол аңнап чӧрип, аң-кӱш та атпады. Айлан келчитқанда, пир кеерген тоғашты, аны да атполбансалды. Пир черде одыр- чатса, пашқа черге учуқ парыбысча. Ээде, ээде эдип атполбан, одағынаа айланкелди. Амды абыртқыба ла талған чиибалып, чат узубусты. Эртен чақшы чииш эдибалып, азыранбалды. Азыранған соонда тайғаза- роқ шығыбысты. Ол кӱн чӧрип, эдоқ пирда да неме таппады. По қаразын қоныб-оқ шықты. 13 Эртен туркелзе, кӱң мӧзӱк шықпартыр, анаң толанча: «Қаар кижи пееде ӱӱр узучаноқ-но. Пееде полза, аң-қуш таппаспым, теп». ӱжинчи кӱнинде чӧрип, неме* таппадоқ. Анаң пазоқ эр- тенде мылтығын алыбалып, таңма атча. ӱш қада атты. Паштап атқанда, мылтығынға шаптырып, ойда келтӱшти, анаң парып кӧрзе: оғы пир метрече тоғры парыбыстыр. Ийгинчизин атқа-