Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң ол клетеги* табақты сыйбапсалды, пилдирбес ээде. — Че, маа* перген ужун қудай сағок ачынзын! — тееди, ӧрингенибе* по улуғ абызыназы. 7 Анаң қабын аңмар қырыйында турғыссалып, кичиғ абызы- назынаа парды. Эркен алтап, эзен перди, эжик ажып, менди перди. Аны ла кӧрип, по кичиғ абызыназы, қолдаң қап, столға одуртты. Ам табақтың — арыйыбынаң перди, арағыдаң — ачый- бы ла салды. Ам чақша азырабалғанда, по кичиғ абызыназы айтча: — Кереқке келген ползаң, керегиң айт, — тедир, — аалап келген ползаң, аалап келгениң айт, — тееди. — Эзе, — тееди улуғ абызыназы. — Қастың ошқаш кижи­ ге, аңнап парарға аш-табақ тилеп келдим! — тееди. — Эзе, — тееди кичиғ абызыназы, — Қудай перген табақ қайа парған, табақ пар. Че, параң аңмарза, қабычағың пар пол­ за, урперем. Ам пир қапқа толдыра ун урперди. Ам улуғ абызыназы ӧрӱнғанынаң айтты: — Чақшы эткен ужун, қудай анаң артық полужбодырзын. 8 Анаң келип, айланып ӱге-чуртунға ун, аш-табақ чӱктениба- лып, чӧрибисти. Ам улуғ қарындажыңның қатты қалаш, талған эдип, ай маң чоқ тӱжӱбисти. Эринге аңнап парарға, азык этча. По ӱш Қарақ чегирбе чыл аңнап чӧрбендир. Анаң мылтығын кӧрибиссе, мылтығы таттакелгенде, инги ле уду шени, уут қал- тыр. Анаң аны ӱш кӱнге шығара арлады. 9 По ӱш кӱн чӱнип, чӱнполбады. Анаң айтча: — Че, мен по мылтықты аң-қуш қаныбыла чӱнибизем, — тееди. ӱш кӱниң пажында азығын чӱктене, мылтығын қарлана, тайғаза қарындаштарыңның соонча аңнап чӧрибисти. Ол ийги қарындажы ийги недле* полпартырлар, аңнап пар- ған соонда. Қардаң улуғ метрчи* чер полтур. ӱш метрди чағчаң