Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң ӱш қарақтығ қарындажы айтча: — Эзе, аңнап парарға, пир айақ аш-табақ сурап келдим! — тееди. Пир қарақтығ қарындажы айтча: — Саа пергенче, эжигимдағы адайымны азырапсалам! — тееди, — шнақ пуруңнаң қан ағыспас кижее пергенче. Ам, по к и ж и аш пербенде, қуруғ қабычағын қабынбалып, нан чӧрибисти. Эмде нанкелгенде, по улуғ қарындажы, ийги қарындаштары ийги-ӱш қонғанда, по қарындаштары аңнап па- рыбыстырлар. 4 Анаң по ӱш қарақтығ кижидиң қуртуяғы эриниң қарын- даштарынзаа парча. Анаң айтча: — Саа пербен да ползылар, маға перерлер! — теп. По қат тогус қылаш арғымчаба ийги қап алкелип, пуларзар* пар шықты. Пуларға чедип, ийги қарақтығ кижидиң қаттынзаа кирди: эжик ашкелип, эзен перди, эркен алтапкелип, менди перди. — Одур, одур! — тееди абызыны. Қолдаң қапкелип, ӧре столға одуртыпча. — Пис наа чуртапчатқабысты, сен полышқан шылтанда, пис чақшы чуртабыстыбыс. Сен маға олоқ қазыным ошқаш кижи- зин, — тееди. 5 По кичиг абызыназы улуг абызыназың аш-табақтың арыйы- бы ла, арағыдаң қазырыбы ла сыйлапчатқан полды ба? — Кереқ келдиң ма? — тееди по кичиг абызыназы. — Ке- реқпе келген ползаң, керегиң айт! — тееди, — аалап келген ползаң, аалап келгениң айт! Ээде айтқанда, по улуғ абызыназы айтты: — Қастың ошқаш кижи аңнап парарға, пир айақ ажычақ тилеп келдим, — тееди. По айтча: — Қудай перген табақ пар, — тедир, — Қабычағын пар полза, қай пер пеере урперей. 6 Ам пулар аңмарға пардылар. Анаң шығып, қабына толдыра урперди. Табақтары аңмарға толдыра полтыр. Кичиг абызыназы айтча: — Эрим қомай кижи. По саа пергениң пилбезин теп, по табақты сыйбапсалим*.