Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ам А й Тамаш Суғ Ортажын ысча Қайа Чӱктежи келзин, теп. Суғ Ортажы кел Қайа Чӱктежин айдыбысқан: — Сени Ай Тамаш ол кижиде келзин, корзин, — теен. Қайа Чӱктежи кел айтча: — Ол, ол кижи, меең нанымда эдим кел чиибысқан. Пылар ӱжеле кел, чиибалкел, чаткел узубысқаннар. Эртен турбалкел кӧргеннери: қузуқтаа кижи туруба қузуқты қоодыркел аппарыбыстыр. Анаң пылар ӱжеле сӱркел чедибалғаннар. Ай Тамаш оланы қабалкел олоқ кузуғынға тынын ӱзе туткел шелибискен. ӱш арғышчы нанып, ӱгелеринге маллерин* туткел чатқаннар. Ӧлер, аша*, амда чатчалар. 9. ӰШ ҚАРАҚ 1 Амдығы тӧлдең алында полтур, пурунғу тӧлдең соонда пол­ тур. ӱш қарындаш чуртаптыр. Ийги қарындажы пай кижилер полтур, эңне улуғ ачазы чоқ кижи полтур. Ийги қарындажы, ийги қарақтығ полтур, пир қарындажы, пир қарақтығ полтыр. Эңне улуғ ачазы ӱш қарақтыг* полтур. Эңне улуғ ачазының қатты тиленчӧрӱп, азыранчын полтур. 2 Ас чаттылар ба, кӧп чаттылар ба: по улуғ қарындажы кичиг қарындажызаа чииш тилеп эншықты, аңнап парарға. Энгенде, эжик ажып, эзен перча, эркен алтап, менди перди. Қарындажы сурапча: — Кереқ келдиң ма? — теп. Улуғ қарындажы айтча: — Эзе, аңнап парарға, аш-табақ сурарға келдим, — теп. Ийги қарактығ қарындажы аны сӧккелип, айтты: — Саа пергенче, эжигимдағы адайым азырарым! Сен ыш- қанақ пуруңнаң қан ағыспас кижизиң. 3 Че, чииш алполбан, по улуғ қарындажы пир қарақтығ қа- рындажызаа парды. Эжик ажып, эзен перча, эркен алтап, мен­ ди перди. Ам ол киргенде: — Нӱнме* сурап келдиң? — теп, сурады пир қарақтығ қарындаш.