Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

8 Ол кижи Суғ Ортажын қабалды, ӱчезиңнең узун эт кезбал- ған чиибискел парыбысқан. Суғ Ортажы анаң насыйдаң-но ӱге- зинге киркел, чадыбысқан. Иирде Ай Тамаш сурапча: — Сен қайдет ағрыбыстың? — Миндиг постығ кижи келген, анаң ӱчемниң эт кезбал, чиибискел, парыбысқан. Ам чаткел, узубалдылар. Анаң эртен Ай Тамаш Қайа Чӱкте- жин артысча. Ай Тамашпыла Суғ Ортажы аңнап парыбыстылар. Анаң Қайа Чӱктежи кӧрбодурғаны: тағ сартан поғда кижи энча. Ол кижи энип, ааң қырыйынға келди. Анаң ол кижи айтча: — Изиғ парым, изиғ чиижим поға келдиң? Ол кижи Қайа Чӱктежин қабалды, оң наныңан эт кезибал- кел, чиибоқ парыбысты. 9 Иирде пазоқ Ай Тамашпыла Суғ Ортажы аңнап келгеннер, кӧргеннери: қалған арғыштары салтымда чатча. Ай Тамаш пазоқ сурапча: — Кайдет пардың? — Поғда кижи келкел, меең нанымнаң эт кезбалкел, чии- балкел парыбысқан. Ӧлер чиибалкел, чаткел узубысқаннар. Эртен турбалкел, чии- балкел. Ай Тамаш айтча: — Силер ам ийгеле аңнап парар, мен қалчам. Пылер* ийгеле тықтанмалкел, парабыстылар. Ай Тамаш шығып, ташынға чӧрбодырчында, кӧргени: тағ саартың пир кӱштиг, поғда кижи энибодурча. Анаң ол кижи кел айтча: — Изиғ парым, изиғ чиижим пеере келтир-не. — Сен кереқ пеере келдиң? Ол кижи пирда небе айтпан, Ай Тамашты қабалды. Ай Тамаш ол кижиди қабалкел, аппаркел, поғда куруғ қузуқка қадыра пағлапсалды. 10 Анаң кел ӱгеге, чииш иштепкел, арғыштарын қадарча. Иир­ де арғыштары келдилер. Ай Тамаш ӧлерде азрабалды. Ай Тамаш ам Суғ Ортажын ташынға қыырбалда, анаң айтча: — Мен пир кижи пағлапсалдым, кӧрерзиң ма? — Кӧртиссаң! Анаң ийгели паркел, Ай Тамаш ол кижиди кӧртисча, Суғ Ортажы айтча: — Нӱбе, нӱбе ол кижи, меең эдим кескен!