Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

— Мен сени шертсем-но, сен ӧлпарарзың. — Сен мени ӧдирбе! Мен саа* кереқ поларым. — Ээде полғанда, коже аңнапкел парааң! Ай Тамаш Қайа Чӱктежибе қоже пар шықтылар. 5 Пара-пара келгеннеринде, ийгели кӧргеннери: Суғ Ортажы пир кӧлде керте срай ортабыс, анаң қада пурурыпсча. Пылар ийгеле қырыйынға келибердилер, сурапчалар: — Кереқ суғда ортабыс қарча пуғурчазың? Суг Ортажы айтча: — Ӱргенчам қанчӧп* суғ ортабызарға. Силер қайаға парчи- зар*? — Пис ийгели аңнапкел парчаас*. Сен пистиңмыла парар- зың ма, парбассың ма? — Қайдет силербиле қоже парбачаң? Қоже парам*. 6 Ам ӱжеле қақтыжбалдылар. Пара-пара келгеннеринде, пир чазы пӱкке четкелдилер. Анаң кӧргеннери: анда пуғулар неқтер, қойлер чӧрчалар. Пылар ам поға қоннарға чооқтажыбалдылар. Ӧлер пир пуғады ӧдиркел, чиибалкел узубыстылар. Эртен туркелдилер, чиибалдылар, анаң ӱге иштарға чооқташ- чалар. ӱге иштебалдылар, ам ол аға чатчалар. Ай Тамаш айтча: — По неқтерди, пуғаларды, қойларды пир кӱн пирсе кӧрер- ге, ийгинчи қонганда, пирсе кӧрерге, ӱжинчи қонганда, пирсе кӧрерге. Паштап та қоннарында Ай Тамаш кӧрча. Ӧлер ийгеле ус- чалар. Ай Тамаш инектерди, қойларда қаразыба чӧркел кӧрбо- дырча. Анаң санапсалған қанче мал анда. 7 Эртен ыларда Ай Тамаш усқат, усқадыпсты, пойе чаткел, узыбысты. Узарда айтсалған, чииш иштепсалзыннар. Пылер ийгеле чииш иштепкел, ишкел, Ай Тамаш турызыбалдылар, анаң чиибалдылар. Ам Ай Тамаш айтча: — Сен, Суғ Ортажы, минде қаларзың, пис аңнап паркелааң, по мында мал-небелерде чақшы кӧрибодырарзың. Ай Тамашпыла Қайа Чӱктежи аңнапкел парыпстылар. Суг Ортажы кӧрбодурғаны: тағ саартың пир пооғда кижи пойынзаа келча. Келип, ол кижи айтча: — Э-э, изиғ парым, изиғ чиижим пойын келдиң ма?