Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

азрапча, парарда ыларда поғда таштарба қуй эжеен* пеқтеп- салча. Ам оолақтың кӱжи кирботурча. Ам оолақ ичезинин су- рапча: — Меең адым адаппер! Ам ичези кайдиғ адын адарға, санапча. Ичези сана-сана: Ай Тамаш адарға санабалтыр. Ичези оолақты ээде аданда, оолақтын сағажынға келишчаттыр: — Ээде полганда, мен Ай Тамаш полай! Ай Тамаш айтча: — Кӱжим кирпарды, мен ам ол таштарды ийт кӧрейин! Пир қада ийтти: таштер арий қыйраныпарды, ийгинчизе ийтти, пир поғда тажы тӧгленибисти. ӱжинчизе ийдибискени, таштары тоғланпарды. 3 Ичезибе оолақ ол қуйдаң ичези чатқан черзаа тесчалар. Ап- шақ кел кӧргени: оолба тижи кижи парыбыстырлар. Анаң ол апшақ ӧлерди сӱрча, чедибалча. Четбалкел, пазоқ ақкел, ол қуйға пеқтепсалған. Апшақ пазоқ аңнап парыбысты. Пылар чииш чиип, чиибал- дылар, чаткел тынанчалар. Ай Тамаш тынанмалкел, туркел, па- зоқ ол пазырсалған таштерди ийт, ийдибисте. Анаң ылар шығбал- кел, парыбыстылар. Ээдет аалға четкелгеннер. Апшақ қада келкел, ӱйезин кӧргени: пойениң* кижилери чоғыл! Анаң ол аалға чедип, ол ӱрелердин, кижилердиң қорықбал парыбыстыр. Ай Тамаш ичезибе ийги чыл шени ол аалға чат- тырлар. Ай Тамаш ам оқча-соған иштебалкел, аңнап парарга санапча. Ичезинге айтча: — Таңда пир кӱн теғбес аңнап келейеин. 4 Эртен турубалкел, аңнапкел парыбысты. Парбодурчытқанда, олаға* пир киик тоғашпарған. Ол аны ӧдирбалды. Анаң нанчат, пазоқ пуланға урункел, оланы* ээдоқ ӧдирбалған. Ол эттерди қарты уйғаа* ақкелибискен. Четти кӱннең пажында қада аңнап қонапарчыр. Пара-пара келгенде кӧргени: пир Қайа Чӱктежи қайады чӱктебал, қада тӱжирсалбодурчир. Ай Тамаш олаң қырыйынға келди, анаң сурапча: — Сен нӧӧрек қайади чӱктебал, қада тужурсалчаң? — Мен найла кӱжим оңнарға, ээдетчам!