Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Пежинче қызы пар, азырыбан келди. Қойы маарапча, абазы қызының сурапча: — Қой чӧӧк маарапча? Сен азырыбанзың. Ташқара ашыгып пажын кезе шабысты. 6 Алтынчы қызын айтты: — Пар қой азырыбал, кел. Қызы парыбысты азырарға. Қойду азырыбантыр. Қойы маа­ рапча. Абазы қызынаң сурапча: — Қой чӧӧк маарапча? Чӧӧк азырыбанзың? Қызы айтты: — Азырғам! Абазы айтты: — Чӧйлапчаң! 7 Ташқара ашығып, пажын кезе шабысты. Четтинчизи қызын айтты: — Пар, қойду азырыбал кел. Четтинчизе қызы пар қойду азрады. Қой чақшы чиибалды. Қой паза маарабанды. Абазы айтты: — Оча қызым — кӱлӱк қыс, қойду чақшы азырапча. Пече Мӱӱзек кичиг қызынма чақшы чадаберди. Пажын кес- кен алты қызын чыыпсалды. Кичиг қызыңма ийгеле пече Мӱӱзек чақшы чадабердилер. 8. АЙ ТАМАШ 1 Пурун-пурун, полғанда, пир аалде тижи кижи чаттыр. Ол тижи кижи честек сағарға партыр, кенете* эр апшақ уруныш- партыр. Ол апшақ ол тижи кижиди қабалтыр, аппаркел, таш- пыла қайаға пеқтепсалтыр. Анаң аны шығырбе чиң эттерба азраптыр. Ол тижи кижи ээдет, ол қайаға ӱр чадыбыстыр. Ӧлердең* ол темде эр палазы полпарған. Чарым чени тӱктӱг, чарым чени тӱк чоқ. Ол пала чиң эттер чиипкел ӧзе-ӧзе кел- генде — кӱштиг полкел, ӧспарған! Анаң ичези аны пойе* чатқан черинге парызарға ӱргеткен: қайа эжиги пеқтепсалғанда, кӱш четпен ийдибизерге. Оолақ пир қада ийткӧртир ол таштарды, кӱжӱ четполбансалтыр. 2 Анаң ийгинчи чылында пазоқ ийткӧртир — пазоқ ийт пол- бансалтыр. Кӱжӱ арий ле четпенчаттыр. Апшақ чиң эттербиле