Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

4 Анаң ӱжӱнчӱзӱн кӱнӱн опять парчын. Паркел Машморуқ опять ӧчӱқ шапчын. Анаң: — Машморуқ, кел пажым кӧребер! — тепчин. Машморуқ опять кел кӧрчин. Кел кӧргенде, қабал опять қабынға суғубалған. От* ам нанчин, нанчин, анаң пирда ты- нанмансалған. Анаң келип, паллар: — Ам аба Машморуқ ақкелчир, — тепчин, — ноо ам чии- ристер! — тепчин. Че, анаң Машморуқ келкел, тӱжӱркел, правда Машморуқты четтирген. 5 А ийги этажтығ уғлуғ* ол Челбен. Анаң ӧлерде* пеқтепсал- келип, пойу опять парысқан* кижи тилебал, Челбен. Анаң Маш- моруқ айтчын: — Паллар, — тепчин, — силер абаңның қылыш ведь пар? — тепчин. Ылар: — Пар! — тепчин. — Кӧртӱссаң, — тепчин, — қайдығ мен кӧрей! Анаң ол паллар кӧртисчин: — Нӱбе! — тепчин. Ладно, анаң Машморук айтчын: — Силер, паллар, чаткел, узузаар, — тепчин, — подряд. Қайларың красивый, — тепчин, — мен кӧрей! 6 Анаң ол паллар весь чадыбысқан. Анаң Машморуқ ыларға по пееде ле одеяло, по чарынче одеяло чадбызаберген. Анаң ол чабыскел, кӧрчин. Ол ла чабыскел кӧркел, ол қылышпа алкел, пергени: ол паллардың пес тының керте кезибискен. Вот! Анаң кӧрзе, погда кӧдеш. Ол аға ол палларды кес-кескел, суқкел пы- жырчын Машморуқ. А Челбен чоқ ӱгде. Анаң ол эт пыжыркел, анаң суғ қайнатчын Машморуқ. Вот! Анаң ээде пола-пола ол палларға ээдоқ одеяло чапсалаберген. Анаң тӧбӱн тӱшпарган Машморуқ, тӧбӱн ӱгде. Челбеген кел кирзе: — О-о, паллар усчаттыр, — тепчин, — Машморуқ уже қайнапчаттыр! — тепчин. 7 Анаң Челбен пойы эт шыгырбалкелип, сал-салкел айтчын: — Паллар, турар, Машморуқ ээди чиирге! — теп. Чоқ! Опять айтчын Челбен: — Турар, эт чиирге! — теп.