Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Қыс палазы, тизи кижи* одурча анда. — Ам саға, — тедир, — мериғ салар, — тедир, — ол қочайин. Пастапқа* мериг полар, — тедир, — қырық қыс пар- чазы пир чӱнӱглер, ӱгее кирерлер, — тедир. — ӱгее кирзе, пир қыс азағын таптапсал одурза, сеең палаң полар, — тедир, — аны пар, қабарзың — тедир. 3 Аны кел қапқаны, палазы қарақка кӧрӱнд-оқ: қырықта қыс чоғул, чоқ полпарды. — Ам еще ийги мериг, — тедир. Ол қат айдаперген: — Қырық қалабуқ чииш чиирлер, — тедир, — парчазы пир тең қалабуқтар, пир қалабуқ ӱстӱлерин аара учуқперзе, ол сеең палаң полар. Ол аны кел қабарзың, — тедир. Че, анаң кел қапқаны, палазы қарақка кӧрӱнди, чоғоқ полубусты. — Ам еще пир мериг, — тедир. Қырық пуға конюшняға кирди, қырық пуға парчазы — пир пуғалар. Пир пуға тайнансал одурғаны: — Меең палам! — теп қапқаны, палазы позу тура сегриди. По қочайин абазы-оолды сыға* сӱрӱбӱсти. 4 Че, эмге келип, чатты, ақча кереқ. Абазынға айтча: — Двухэтажный абыр иштебал, — тедир. — Двухэтажный абыр иштебалып, мазарға ашыгарзың, — тедир. — Сен мазар- да, — тедир, — Ақчаны алзаң: «пир муң» — теп айдарзың. Ақчанны албалып, мозаны* кедере рақка шелерзин, — тедир. Анаң аа шық парган абыр одурубалып, ай қор ат полубуста, палазы. Мазарға анаң четкени, пооқ қочяийн келди: — Қанче? — Пир муң! Ақчаны санап, перди. Мозанын кедре шелкел, аттыбысты. Ээде по эмге четкенче, палазы четкелди. Че! 5 Ac чаттылар ба, кӧп чатқанаң пажында, абазынға айтча (сӱт- тӱн арығ ақ ой ат полубусты палазы):