Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң по оол айттыр: — Мен ол қысты кӧрбалар этчам! Ақ қул ады айттыр: — Кӧрерзиң! — теп. Анаң айттыр: — Ол қыс кӱн шығыжа чанда, ол қыс усчан кӧзнеги анда. Айттыр: — Ам сен пар узучаң чериңге пар, анаң кознеқтең кӧр, мен киштерим, — теп айттыр. — Ол қыс меең киштигени уғубалып, кӧзнеқтең кӧрер. Сен тезе чажынпарып, анаң кӧрерзиң, қайдығ қыс. Кӧрзеең, кӧӧленерзиң — теп айттыр. 10 Че, анаң по кел чажынпартыр, малы қыстың кӧзнегинең киш- тебистир. Киштебискенде, по қыс кӧзнекса келтир кӧрерге: «Пашқа малдың ӱнӱ!» — теп. Ол чажынпарып, кӧрчаттыр. Анаң кӧрзе: кӱн чилеп шалчаттыр қыстын чӱзӱ. Маттап қыйаланпар- ған қыс. Че, ол қысты кӧрибалып, кӧӧленибистир. Анаң чуқка малынға партыр. Малынга парып, ага айтты: — Мен ол қысқа кӧӧленибисқам! Мал айттыр: — Ол қаан саға эртен марығын иштерге айдар. Анаң айттыр: — Сен аға айдарзың: пир пуға эдин ӧдӱркелип, қар пыжы- рарзың. 11 Ам малыба чооқташтырлар, пырнап* кемни қыырбаларға. Анаң чооқтажбалтырлар, пырнап ағаштарды арлабызар кереқ, анаң қайаны чоқ иштер кереқ, анаң на соонаң талайды ағызарға. Анаң пырнап Салғыны қыырарға чооқтажбалтырлар. Ам по оол Салғынаң сыбысқазын тартыр. Ам ол Салғын, эзе, келтир: — Қайдыг кереқ? — теп. Ол оол айтпертир. Азы айттыр: — По иш аар эбес, только маға чииш кереқ! Ол оол айттыр: — Анда пир пуға эди пыжырсалғаннар.