Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң қаан сураптыр: — Ындиг ырақ чердең қайдығ кереқ келдиң? Эзе, айттыр: — Қаан абам, қарыбысты, ааң керегин мен қолға алча- ғым, — тедир. 7 Аны ээде айдып: — Кижи алғалақым, кижи аларға чӧрчам, — теп. — Мен уқкам сеең қыз* пар, — теп. Қаан айттыр: — Қыс пар теп — Ақ Қуйдым. Но, — айттыр, — меең қызым алғанче, ӱш марығ иштебиссең, қызым аларзың. Аны иштебиспазаң пажыңды* мен кезерим. Сен не эбессин меең қызым аларға, мында кӧп оолар чӧрчалар. Пирда кижи ол ма- рығды иштеп полбанча. Анаң Ақ Қайа сураптыр: — Қайдығ марығ? По қаан айттыр: — Иштеп полбазаң, лучше сыраңай эмге нан, — теп. 8 Че, анаң сурағанда, по қаан айттыр: — Меең чатчыған черде талай ақча. Ол талайда пашқа чер- де ақсын теп, иштепсаларға кереқ. Ийгинчизи талай ақчын че- ринде улуғ ақ қайа турча. Ол қайаны пашқа черге турсалар- ға, — теп. Анаң айттыр: — Ол қайа соонда тың ағаштыг чер. Ол ағаштарды ужуру- бызарға кереқ. Ол оол айттыр: — Мен иштепкӧреин! Қаан таңзынча: «По қайт оол ол небени иштер этча?». 9 Ам по оол андиг ишти иштеринча, ааң қызын кӧрбаларға са- набысты. Қайдығ чозақпа кӧрерге ол қаан тезе қызын кӧргӱс- пенчаттыр. Ам по Ақ Қайа қараа кижи узубергенде, малынға партыр. Анаң малы чӱгӱркелгенде, ол аға айтпертир: — По қаан маға ӱш марығ перген, — теп. Малы айттыр: — Сен қоруқпа, сеең арғыштар пар!