Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

2 Анаң қанче-қанче чӧргениң пажында ақ қул ады кижи ти- либе чооқтанчаттыр: — Сен пееде алын чӧрчазың, сен тезе алчан кижи пашқа кижее парарға чӧрча. Сен алчаң кижи Ақ Қуйа қат. Ам мен қайа парарым, аға парарзың мени пош салыбыскел. Ақ Қайа сураптыр: — Ӱр поларыбыс па? Ааң ады айттыр: — Пре ӱш чыл поларыбыс! Ақ Қайа айттыр: — Ичемме-абамға айтсаларға кереқ мени чидирбезиннер. Ақ қула айттыр: — Сен қыс тилеп парғаныңны айтпа. Сен айтсаң: «Пис чер эбире чӧр келерге, қайдығ кижи чатча, қайдығ черди қайдығ суғ ақча. Аны кӧр келерге этчам», — теп. 3 Ақ Қайа ӱш чыл кесчең кебин тиктиштир. Че, абазы-ичезинге қол-менчи* перибал, парыбыстыр. Анаң чурт ташынға шықкан- да, малы айттыр: — Ам меең чӱгеним тартпа, азақ пелимге шаппа. Мен қайа парарым, анаң кӧрерзин, — теп. Ам по ээде парчында, пир кижи тоғушпартыр. Чат усчаттыр, қарыны поғдазы тегриге асла четпенча. Анаң по усқаттыр: — Ноо минде чат усчаң? — теп. Азы айттыр: — Сен мени лучше азразаң! — теп. Че, анаң позы азраптыр. Анаң чиибалып, позы айттыр: — Қачан мен кереқ ползам, сыбысқа тарсаң, мен келе- рим. Сыбысқады ол ага пертир: — Кереқ чоқ аланче сыбысқа тартпа. 4 Че, ам парчында, ады айттыр: — Ам сага пир кижи қада тоғажар. Пулут полпарчын кижи. Паштапқы тогышқан кижи талайды да қарты ижибсчең кижи- зи. По тоғушчын кижи қайаны шырақ чилеп тудубысчын кижи.