Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Қыс палазы: — Эккей, Қара Молат, — тедир, — менең нӧӧдерге* су- рапчаң, — тедир. — По чер ӱстунде сен оңнабанчытқан небе пароқ па? Сен не пилбени, паза пилчең кижи чоқ, — тедир. Поны уқканда, Қара Молаттың кӧӧленкел, кӧңнине кирди Ақ Торғу, сананкел, сағыжына четкени. Абазы-ичезинге Қара Молат апшақ палазы ужын пилбес, улуғ той чепсерге айтқаны. 30 Эртенги таң чарында, Аңчы Абышқаның черинде ужы пилбес, тоғус кӱнге улуғ той полғаны. Пылар тӧртеле улуғ тойға кирди- лер. Апшақ палазы Қара Молаттың аданчаң шени четкен полған полтур. Абазы-ичезинге амды айтчӧргени: — Эзе, аба-иче, — тедир, — шынық абамға қарғадып, ап- шақ палазы полып чӧрген темим тоозулып, шынық позымма чӧрчең темим четти, — тедир. — Мен мынаң аара ӱш қааның таштына чатқан, Қара Қаанның палазы Қара Молат полғам қайы, — тегени, шағамғы апшақ кеби шуура шабылды. Қара Молат адазы-парий эрдиң тӧли, ӱн позыба тура пасқаны. Поны кӧрген апшый-қуртуй: таңзынманнары — таңзындылар, ӱргӱнменнери — ӱргӱндилер. Тоғус кӱнниң пажында улуғ тойлары тозылды. Тойлары ла тозылғанда, Қара Молат тоғус қатпаш таш эм пӱдӱрди. Апшый- ба-қуртуйды пашқоқ қатпажынға чаттырды, позы тезе, Ақ Торгу алған кижизибе пашқоқ қатпажынға чаттылар. Пылар тӧртеле абырынаң кел мында чадып, мында чуртап чӧргеннери. 3. САРЫҒ ҚААНЫҢ ОҒЛУ АҚ ҚАЙА 1 По чер пӱткен тӱште, по суғ аңма ақкан темде, алында-пу- рунда Қара Қаанма Сарығ Қаан полған полтур. Қара Қааның оғлу Қара Пулут полтур. Сарығ Қааның тезе пир қыс полған полтур ааңма қоже. По Қара Қааның оғлу Қара Пулут Сарығ Қааның қызын аларға чӧрчаттыр. Ааң ады Алтын Арығ полтур. Сарығ Қаан пербенчаттыр. А по Сарығ Қааның оғлу Ақ Қайа ақ қула адынға мӱнчӧрӱп, аңнап чӧрчаттыр.