Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

мен саға чӱтче сағыш перербин, — тедир. Мылтығының қый- лағын тартыбал, қолпақтың соғада алына пае парды. — Кижизиң ма, ноозың, пеере шық, адарым! — теп, қый- ғырды. Ээде қыйғырғаны, паяғы ӱлгерлепчытқан шым полпарды. Апшый пазоқ қыйгырды: — Кижизиң ма, ноозың шық, адарға этчам! — тегени. Қолпақ иштинең пир қара небе қыйбыран шықчытқаны кӧринди. 7 Анаң маттап кӧргени, қара кӧбӱр апшақ палазы шықча. Шыға ла: — Тоқта, тоқта Аңчы Абышқа, атпан тур, — тедир. — Сен мени нӧӧдерге адарға эттиң? — тедир. — Сен мени атпа, по- зыңма пирге алпар, мен саға ажа пире шенде кереқ полыбоқпа- рарбын! — тедир. Аны уғып, апшый адарға эткен кижи, таңзынған озыба, тоқтабысты. — Айт ла суранчытқаныңда, параң, меең соома кел, — те­ дир. Апшый апшағаштың алынға кирибал, одағы саара эниби- стилер. 8 Апшақ палазын ал энип, одағына ақкиргени, қуртуяғы қоруғып, толуқка сынынды. Апшый: — Қоруқпа, куртуяқ! — тедир. — Адарга эткеним, чалған- ча, кижи чилеп эрбеқтеп сурапчытқанда, атпадым: «Ноо-ла те- заар, ол поларым тепча», — тедир. — Писке пала чоқ кижиге алыбысқа чӧргӱзерге, анаң да чақшы! — тедир. Апшақ палазы аны уғып, ӱргӱнаарақ полып: — Қоруқпа, эне кижи, — тедир, — мен аң палазы эбессим, мен кижи палазыбым. Адамға қарғадыбызаперип, апшақ пала­ зы пол чӧрчам, — тедир. — Оно, палазы чоқ кижиге, пала поларға чӧрчам, силер нооны ла иштерге айтсар, аны иште- рим, — тедир. 9 Апшый-қуртуй, аға турғанче, по апшақ палазын, пала эдилип чаттырарға чӧптежибалдылар: — Чадарға санағаңда, чат, пала! Писке, пала чоқ кижиге палабыс поларзың! — теп, апшый апшақ палазынға айланып, айтты.