Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

чоқ ноо полды, — тедир. — Таа писти чичең аң келеберди. Ноо-ноо небези, қылларымны тооза одап, тооза уйбапсалтыр, — тедир. — Қылларымны чазапсал, сӱгеннеримни кӧрерге энгеним, сӱгеннеримни, ээдоқ аңдаар-тӱңдерип, одапсалтыр, — тедир. Қуртуяғы поны уғып: — По черге паза чадыбалчаң чоқ полпартыр, мында чадып, аштаң қарбағарбыс! — тедир. Қуртуяқтың қарағы чажы пош қорлады. 4 Аңчы Абышқа ӱш кӱнниң пажында қылларын кӧрерге пазоқ шығыбысты. Қылларынға чедип, анаң кӧргени, қылларын тоозоқ одап, қайдағыдаң кедере шелгилебистир. Сӱгеннерин кӧрерге энгени, сӱгеннерин ээдоқ уғжап, кедере шелгилебистир. Апшый аны кӧргенди, қарағы чажын пош тӱжӱрди: — Одаға энип, амды қуртуяғымға ноо теп, айдарым? — те­ дир. — Чичең чииштең пожоқ, аңначаң тибелдең пожоқ, улуғ абал, улуг кей! — тедир. Апшый алынаң аара амды қайде чатчаңын оңнапполбан, чар пажынға парып, одур ылғаберди. Ээде ылғап, анаң одурыбо- дурғанда, анаң уқканы, чар тӧӧзи чанда ноо-ноо небениң ӱни уғулча. 5 Анаң тыңнап уқканы: аң ӱни тезе, аң ӱни эбес. Кижи ӱни тезе, кижи ӱни эбес. Кижи ӱни теерге, по черде паза кижи чатчатқан чоқ. — По улуғ обал! — тедир. Аң полар теерге тезе, аң ӱнинге чӱӱнӱг эбес. Мылтығын тудуныбал, чар тӧзи саара кедертиң парып, анаң ӧңдӱлеп эн кӧргени, чардың алтына киире кебеге ақсы ошқаш улуғ колпақ* полчаң полтур. Паяғы небениң ӱни ол қолпақта уғулча. Арий қошта парып, анаң чаба чат, кӧргени: ишти қарар кӧринча, небе кӧринменча. По ла кошта келебергенде, ол небениң ӱни уғыл- банпарды, шым полыбысты. 6 Чоқ полыбысқанда, по кедерарақ парып, тыңнап тураберди. Анаң тыңнап турабергени, чӱтче полғанда, ол небениң ӱни па- зоқ уғул шықты. — Тоқта, по табан, по қолпақка кирпарған ма, қайдиг, — тедир, — меең қылларымны по одап чӧрчытқан полбазын, ажа