Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

НЫБАҚТАР 2. АҢЧЫ АБЫШҚА 1 Пурун полған полтур. АңчыАбышқа теп, апшый кижи чуртан пол­ тур. Аңчы Абышқа ачық черде, ай қара чыштың аразында алар- чық ағаш одаң иштепсал, анда чуртап чатқан полтур. По пала чоқ, қуртуяғыба ийгеле, по чаштарынға ай қара чыш аразында, кижи қарағын кӧрбен чатқан апшақ-қуртуяқ полған полтур. По чер ӱстӱнде паза кижи пароқ полған ма, чоқ полған ма: пылар ийгеле оңнабанчытқаннар полтур. Аңчы Абышқа по чажынға аңнап-қуштап чатқан апшый полтур. ӱш ашқымнығ қара Нӱн тайганың тӧзинге, қыраң чер­ ге қырық қыл урып, Ақ талағай тезе одус сӱген суғып, аңнап- қуштап, ээде азыран чатқан Аңчы Абышқа полтур. Аңнап чӧрзе, Аңчы Абышқа полтур. Ӧске черге чӧрзе, тезе, Чорға Абышқа теп, адалған апшый полған полтур. 2 Ээде аңнап чадбодурып, пир кӱн қылларын кӧрерге анаң шық- каны, ноо-ноо небе чӧрген полған, қылларын тооза одап, тооза пулғапсалтыр. «По ноо небези пееде чӧрип одачаң полдың, по чажымға по арада аңнап чаттым, маға солғум небе тоғашқан эбес!» — теп, апшый ээде пӧгӱнди. Қылларын чӧрип чазап, қатнабоқ урсалып, сӱгенин кӧрерге талай кажынға энибисти. Талай қажынға энип, сӱгеннерин анаң кӧргени: сӱгеннерин ноо-ноо небези тооза аңдаар-тӱңдерип, тооза уғжапсалтыр. Ап­ шый аны кӧрип: — По улуғ обал! — тедир. Қоруқпаны — қоруқты, шӧӧчубаны — шӧӧчуды. Сӱгеннерин чӧрип, чазап суқкылабоқсалды*. 3 Пирда небе чоқ, одағына* қуруға наныбысты. Одағына келип: — Улуг обал, улуғ кей! — тедир, — по чажымға по тайғаға чадып, миндиг обалды кӧрбедим, чоқ ӧлчең темибис четти ба,