Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Нана келгени... дей, деи Кӧргенде... анаң артын алтон ашқым Ақтар тайғаның... дӱй Чоннар пир <сурни> Кӧргенде... ақтар адын чортап чӱгӱрдӱй 900 Нана-нана келгеннери, Алынаң артын анаң кӧрбодурғаны Ақ Қаан: Алтон ашқымнығ Алтын тайғаның сырты кел, кӧрӱнча. Алтон ашқымнығ Ақ тайғаның тӧзӱнге Сылағайлығ сын Эзер-қойну пелге келтӱжӱп, Анаң кӧрбодурғаны: Маалы турғаныба, 910 Чоону чатқаныба. Эниш тӧбере пастыр, тӱштӱ. Ақ ой аттың сегрипчитқанда, Қалқалы эжик қайра шабылды. Улуғ-Кичиг Алтын Сабақ шығара чӱгӱрӱштилер: — Қайранда Ақ Қааныбыс, айланкелди, — тепкелип, Алтын кирлестиң тӱжӱп, Қолдаң қап, қолтуқтаң чӧлеп, Алтын ӧргеге ақкирдилер. Алтын ӧргеге киргенде, 920 Улуғ-Кичиғ Алтын Сабақ эрбеқтепчалар: — Эзе, Ақ Қаан, — тедир, — ӱжӱнчӱ Алтын Сабақты ақкелдиң ма? — тештилер.