Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Меең эм кӱлӱгӱмге Ақ Қаанға, — тедир. — Ады читкен ақ қор ат, — тедир, — Сенең қайа кирқаларға, Парғайым, — тедир. — Оно, пайа эрте пайоқ Айдар кереқ полған, Алтын Сабақ, — тедир. — Ийги паштарың қожар, — тепкелип, Пас шығыбыза перди. 860 Ақ Қаанма Алтын Қаан Оорлашкел, ылғашкелип, «Қайа парзыннар?» Алтын Қаан: Ақ Қаанма Алтын Сабақты Алтын стол кеқсинге одуртупкелип, Ааларыңнаң ай чапшыра, Сооларынаң кӱн чапшыркелип, Ийги қожан қожубуза перди. Оорлашкел, ылғашкелип, Ашпа-табақ чиип, 870 ӱш ташаор айақтың аш ижибистилер. — Эзе, Алтын Қаан нанчы, — тедир. — По ады читкен ақ қор аттың Қайа кирқаларға? — тедир. — Черлиг кижи чеқсеген, Суғлуғ кижи суқсаған, Тайыста полза, суғум пар, Чабыс та полза, тағым пар. Нан кӧрейин, — тепкелип, Тура кел сегриде, 880 Ылғапкелип, сықтапчытқан Алтын Сабақты қабалып, Уғжап-ташқапкелип, Алтын ныбыртқа иштеп, Оң қарманға кел, суғунды. Ақ Қаанма эзен-менчи перишкелип, Ийги қарааның чажын тоғра тартынкел, Алтын ӧргедең пае шығыбыза перди. Алтын ӧргедең пае шығып, Ақ қой атпа ақ қор ат