Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Тоғус қадыл кӱмӱш қуйақ кескен Алып тӧлӱ 820 ӱш қулақтығ ақ қор ат, Қыс палазың тоғус тулуйңың Ора тудубалды, Шойун тақты полға наара паскелип, Қара тобра қамчызын Пӧтӧлекке кел, сунубуза перди: — Парарзың ма, Парбассың ма, Алтын Сабақ? — тедир. — Ӧдӱрсал, парбассым Ақ қор ат, — тепкел, 830 Қысқырып, сықтапча. Ақ қор ат анаң кӧрбодурғаннары: Қара тобур қамчызын Тӱжӱр турғанда Аалынаң ақ чалың, Соонаң кӧк чалың Ойнаба ла кел тӱштӱ. Шағана кел шабыза пергени, Қыс палазы қысқыба сықтапкелип, Ноо, чат тоғлан, чадапарды. 840 — Парарзың ма, парбассың ма? — Ноо, қыс палазын пазоқ сурапча. — Парбассым ақ қор ат, — Тепкелип, сықтапча. Ийгинчизин кел, кӧдӱркелип, — Ам тыңаарақ шаба перейин, — тепкелип, Айлантыркел, тӱжӱрӱбӱзе пергени Қыс палазы қысқыркелип, Улуғ сағыжы шығыбыза перди. Тирада 20 (напев VII)