Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Эр тӱгӱл, ӧссӱн! — тедир. — Қан Оолақ қыс талашкел, Қабыжыза перген полза, По чер чылаңча қабыжар эдиис*, — 760 Ten, сананча. Теген чайалған Қан Оолақ эбес, — тепкелип, Анаң артын Ақ Қаанма Алтын Қаанның алынға паскелип, эрбеқтепча: — Эзе, Алтын Қаан, — тедир, — Алтын Сабақ қызың, — тедир, — Аттап-шаптапкелип, Ат мерийи пистиноқ полды, — тедир. — Алып ат кӱжӱнге парза, 770 Меең ӱстӱмге шықчын алып чоқ, — тедир. — Кӧрчаң ма, алыптар аара Аттарынға тескире мӱнкел, Тезибоқчалар, — тедир. — Оно, парчын мени қоруқ, Тесчалар, — тедир. — Қызыңны Ақ Қаан, нанчымға Ийги паштарың қош, — тепкелип, эрбеқтенча. Ийги апшый орлашкел, улғашчалар. Анаң артын чединишкелип, 780 Алтын ӧргее пазыш, кирибистирлер. Алтын ӧргее пазыш, киргенди Алтын Сабақ тоозу уғубодурған полтур. Оорлапкел, сықтапкел, чӧрча: — Ийги пажым қошқан, — тедир, — Қан Оолақты чӧӧк пожадыстың* Ақ Қаан* аба, — тедир. — Эзе, Алтын Сабақ, палам, — тедир, — ӱш қулақтыг қан қор аттың Қайа кирқалар, — тедир. — 790 Не, қаарпарған, — тедир, — ӱш тӧлге четпарған Ақ Қаан, нанчымға, Аға ақтап-шаптап аларға айтча, — тедир. Пону уқкан Алтын Сабақ: — Лучше арығ тынға