Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Чалбақ чарыкты Чапшыра кӧрӱп, чӱгӱркелип, Чӱгӱрчитқан тӱштарында, Анаң уғубодурғаны: 540 Чер тӱбе черди Тӱплеқ табыжы тӱплепча, Тӱбен қорай қыйбрашча. Чачақ табыжы таплашча, Чазы тӱбӱ чарылча. Пону кӧрген, пону уқкан ӱш қулақтыг ақ қор ат Ат ӱнӱбе киштеп, Мастанкел эрбеқтепча: — Эзе, ӱш қулақтыг ақ қор ат, — тедир. — 550 Нооны пилип, Нооны оңнапкел, чӱгӱрпарчаң? — тедир. — Нооны пилип, Нооны оңнап, чӱгӱрейин, — тедир. — Чер тӱбӱ черди, — тедир, — Тӱплек табыжы тӱплет, эрти. Шачақ табыжы шатлап, эрти, — тедир. — Он аны уқкел чӱгӱрчам, — тедир. Пону уқкан ӱш қулақтыг ақ қор ат эрбеқтенча: 560 — Қоруқпан чӱгӱрбодур, ӱш қулақтыг қан қор ат, — тедир. — Кӧрчаң ма, — тедир, — тоғус қарақтыг Алтын оқ ӱстӱнгӱзе Четтон тегри ӱстӱнең Оолапкел, учуқ тӱшча, — тедир. — Ады читкен, — тедир, — адығчыда Ады читкен, адығчыда Қандавата, — тедир. — Мени кӧстепкел, атты, — тедир. — Ӱстӱнгӱзе тоғузон ашқымнығ 570 Алтын тайғаның ӱстӱнге шықкелип, Анаң, кӧстепкел атты, — тедир. — Қоруқпа, — тедир, — ам кӧрбодур, ӱш қулақтыг қан қор ат, — тедир, — Кемниң кӱжӱ артық полар, — тедир. — 8 Заказ № 367