Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ақ Қаанма Алтын Қаан Кӧзнек қайра шап ла, Анаң кӧрбодурғаны: Қара салғын тӱнепкел, кел кирди 470 Қара қуйун ойнапкел, кирди. Ac шедим алыптар Қара черге толғанышкел, пардылар. — Нооның кӧзӱ полча, — тепкелип, Анаң кӧрбодурғаннары: Ат ашпас Арғалығ сынға Адазы-парий, ноо, қан қор ат кел тӱшти. Қан қор аттың ӱстӱнде: Тайға тезе — ажығы чоқ, 480 Талай тезе — кежиге чоқ Алып тӧлӱ одурсалтыр. Анда кел, кизенкел, эрбеқтенча: — Эзе, қан қор адым, — тедир, — Аттар парғаннар ала Алты кӱн эртиппартыр, — тедир. — Алты кӱн эртиппарған аттарды, — тедир, — ӱш кӱнге четтирбен, Четкейзиң, — тепкелип, Ат ӱстӱнең сегрибизе перди. 490 Алтын эзерин Пӧктерге шени алкелип, ӱӱбсалды. Кӱмӱш тискинин Паш шурткелип, пура тартыпкелип, Чалбақпарған сыртыйынға кел, шабыза пергени. Тебинкел, чӱгӱрӱбӱза пергени, Қайа парды, қайа келди: Қан қор аты кӧр, Таппан қалдылар. Пону кӧрген Алтын Қаан эрбеқтепча: 500 — Эзе, Ақ Қаан, нанчы, — тедир, — Аттың артық қан қор ат кирди, Эрдиң артық алып кирди, — тедир. — Теген алып кирбеди, — тедир, — по. Ас шедин алыптар қара черге