Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Алтын қыстый и пир кеқсинде... Турга сергежип алтын ӧргеге... Пирдиң шығып... Наказый перей... мындаң алтын гый... Қыйғыроқ турды... Уғароқ қулақ... қайраноқ ползын Кӧргеноқ қарақ... Қайраноқ ползун... қайран турған...-ойӱй Алтын столдың тура кел серкиштилер, Алып одурчитқан Алтын ӧргее пае шықтылар, 410 Алтын Қаан қыйғырча: — Кӧрер — қарақтығ ползын, — тедир. — Уғар — қулақтығ ползын, — тедир. — По чыылпарған алыптың, Қайдығ алыптың ады Пурнатқа* келер, — тедир, — Ақтап-шаптап Қызымны аға перем, — тедир. — Қайдығ алып по чыылған алыпты Пир оймақка сығара шабар, — тедир, — 420 Оң қолба туткел, перерим, — Тепкелип, қыйғырды. Аны уқкан, алып тӧллери Тура ла сергижип, Алтын ӧргедең пае, шыға пердилер. Шыға, шыға келгеннерди, Ақ Қаанма Алтын Қаан на қалдылар. Аттарды ээде пожатчалар. Э-э, Алтын Қаан эрбеқтенсалған: — Қара айна черинге аттар тӱшпезин, — тедир, 430 Ақ чарықты тоғуе қада эбирзиннер, — Тепкел, эрбеқтенген. Аттарды ээде пожат чадапардылар. Алтын Қаанма Ақ Қаан пажызыбоқ шықтылар. Алтын Қаанма Ақ Қаан пазыш шықканарда, ӱш қулақтыг ақ қор ат, Ат ӱнӱбе киштепча, Маетанкел эрбеқтепча: