Якутские народные сказки - 2008 (Т. 27)

5 Икки бухатыыр дьиэҕэ тийбиттэрэ* — уол суох, уол ойоҕо эрэ олорор. Бухатыырдар: — Хайа, оҕонньор уола ханнаный? — Ээ, билигин суох, кэлэрин күүтэ түһүҥ! — диир. Бухатыырдар сөбүлэһэллэр. Сотору буолаат, уол көтөн түһэр. — Нохоо, аҕаҥ биһигинэн илдьит ыытта, иһит! Уонна оҕонньор уолугар илдьитин барытын этэн биэрэллэр. Онуоха уол ойоҕо: — «Сыттык аннынааҕы сытыы быһыйаҥ», биитэр өйүҥ — мин буолабын, нохоо, өйдөөҥ иһит! «Мин күүспүттэн эһинним, туораах буолан төкүнүйэбин, эдэр сэбирдэҕи кытта тустабын» — ол аата: аҕаҕын өкө маска өстөөхтөрө кэлгийбиттэр. «Уолум мин тылбын ис- тээт, туе хоту икки хатыҥ чараҥ турара буолуо, олору төбөлөрүн* быһа охсуталаатын» — ол аата: бу икки бухатыыр баһын быһа ох- суохтааххын. «Онтон туе арҕаа көрдүн, оччоҕо ахсаана биллибэт эл- бэх бэстээх бэс чагда баара буолуо, олору барыларын төбөлөрүн быста- лаатын» — ол аата: бу бухатыырдар сэрииһиттэрин барыларын кыр- гыахтааххын. «Өскө уолум хайдах быһарын билбэтэҕинэ, мин тэл- лэҕим анныгар маҥан* таас сытара буолуо, ол көмөлөһүөҕэ» — ол: аҕаҥ сытыы кылыһа. «Өскө мин илдьитим ис хоһоонун өйдөөбөтө- ҕүнэ, сыттыгын аннынааҕы сытыы кылыһа көмөлөһүө» — ол буол- лаҕына: мин, эн өйдөөх ойоҕуҥ. Уол: — Сөп, барытын өйдөөтүм! 6 Аҕатын тэллэҕин анныттан сытыы кылыһы сулбу тардан ылан, икки бухатыырдары бастарын быһыта кэрдэттиир уонна баран, ки- нилэр салдааттарын* барыларын өлөртүүр, аҕатын мастан сүөрэр, аҕата өлүөн иннинэ өрүһүйэр. Ити курдук өйдөөх кийиитин көмөтүнэн оҕонньор өлүүттэн быыһаммыта үһү.