Якутские народные сказки - 2008 (Т. 27)

Арай халлааҥҥа тиийэр суорба таас хайата өрө барыйа түстэ. Абааһы уола онтон иҥнэн, тыаһа бүһүгүүр гына түстэ. Ол гэннэ: —Аҕас-балыас! Ситиһиэм-ситиһиэм! — диэтэ. 5 Кыргыттар сыссан сэрбэһэн, биир өрүс кытыытыгар тиийэн кэл- лилэр. Өрүс кытыытыгар олорор Талаһа-Талаһа эмээхсиҥҥэ тиийэн: — Абааһы уола сииригэр тиийдэ. Талаһа-Талаһа эмээхсин, көмүс талаһаҕын түһэрэн кулу. Абыраа! — диэтилэр. Эмээхсин: —Оҕолорум аҕас-балыс кэлбиккит дуу? — диэтэ да, сүүрэн лэп- пэрийэн киирэн, икки атаҕын өрүһү туора ууран биэрдэ. Кыргыттар сыссан дыбдыгыраһан* өрүс унуор тахсан, өрүс кытылын устун хаамса турдулар. Эмээхсин: — Аҕас-балыс, иэримэ дьиэни иччилээн, аал уоту оттон, алаһа дьиэни тэринэн, төрөтөр оҕону төлкөлөөн, байан-тайан, тигинээн- таҕынаан, ыал буолан сириэдийэн олорун! — диэн алҕаан баран, дьиэтигэр тахсан, ыстаанын абырахтана олордо. Бу олордоҕуна сирэйин дьаабыта биллибэт, хараҕын үүтэ көстүбэт абааһы уола адаҥхастаан кэллэ: — Талаһа-Талаһа эмээхсиэн! Көмүс талаһаҕын уура оҕус. Аҕас-ба- лыс куоттулар. — Ээ! Бэйэ, ыстааммын бүтэриим. — Чэ, чэ! Уура оҕус! — Ээ, бэйэ, иннэбин ууруум. — Чэ, чэ! Уур! — Ээ, бэйэ, сыалдьабын кэтиим. — Чэ, чэ, түргэнник! — Ээ, бэйэ, ынахпын ыым. — Чэ-чэ, уһатыма, уура оҕус! — Ээ, бэйэ, былааппын мааныым. — Чэ-чэ, бүтэ оҕус! — Ээ, бэйэ, курбун курданыым. — Ээй, иттэ сах ииччигэ-бааччыга бүппэт! — Ээ, бэйэ, доҕоор, ыт ыксаан-ыксаан икки хараҕа суох оҕону төрөтөр, чэйбин өрөн баран таһаарыам. — Чэ-чэ, бүт! Оччоҕо сиэн кэбиһиэм! — Ээ, бэйэ, уубун баһыым! — дии-дии, эмээхсин тохтотон истэ.