Якутские народные сказки - 2008 (Т. 27)

Аҕаһа: — Ээх, сөп! — диэн баран, дьиэтигэр тиийэн, таһырдьа кутаа уоту оттон, отонун оргутан кэбистэ. Кыра кыыс сири оҥхоччу хаһан, уолун таһааран олорто. Оттубут уоттара өрө кытыастан таҕыста. Куйааһа диэн сүрдээх. Кыргыттар кытаччы бустулар. Уоллара олорон эрэн илиитинэн-атаҕынан оонньуу-онньуу: —Аҕастаар! Эдьииктээр! Тугу астыыгыт? Миигин тоҕо манна олоттугут? — диэн ыйытта. Кыра кыыс: — Тугаам* ити эдьиийбит астаан аһатыа. Билигин сиэхпит, — диэн албыннаһа-албыннаһа ол-бу ооньньууру аҕалан ооньньотто. Ол албыннаһа олордоҕуна, улахан кыыс кытаран хаалбыт, оргуй- бут отонноох чугууну уолун үрдүгэр бүрүннэри бырахта. Уоллара, өрө хаһыра* түһээт, ыстанан турда, кыргыттар сарылаһа-сарылаһа сыс- сан хааллылар. 4 Илин диэкки сүүрэн истилэр. Арай уоллара тиити төргүү муту- гунан буолбут, кытарбыт чугуунун кэппитинэн уотунан өрө тыынан, бу сириэдийэн иһэр. Кыргыттар сысса сатаан кэбистилэр, уоллара ситэн кэллэ. Кыра кыыс: — Иннэ баппат иһирик ойуура буол! — диэтэ да, биир иннэни кэннинэн кыыратта. Иннэ баппат иһирик ойуура өрө ньиньирии түстэ. Абааһыларын уола кэлэн, иһирик ойууртан иҥнэн, тыаһа өрө баччалаата. Утаакы буолбата: — Сиэхситтэр, ситиһиэм! — дии-дии, бу баччалаан иһэр. Кыргыт­ тар сысса сатаатылар да, кыайан куоппатылар. Кыра кыыс: — Сүүтүк баппат сүҥкүр ойуура буол! — диэтэ да, сүүтүгүн бы­ рахта. Сүүтүк баппат сүҥкүр ойуура буолан хаалла. Абааһы уола он­ тон иҥнэн, тыаһа эмиэ баччалаабытынан барда. Утаакы буолбата: —Аҕас-балыас! Бэйэ ситиһэрим буолуо! — дии-дии, бу баччалаан кэллэ. Ситээри ыксаппытын гэннэ улахан кыыс: —Халлааҥҥа тиийэр суорба таас хайата буол! — диэтэ да, былаа- тын кэннинэн элиттэ.